[♥ بسمة الجوري ♥]

مـــــــــــساءكم الخير

ياقلبي اصبر ماهي اول خسارة

ياقلبي اصبر ماهي اول خسارة
ياقلبي اصبر يمكن تكون خيره

ان كان ماوده يجي بختياره
الي خلقه الله خلق ناس غيره
•••

ليته عرف هالبعد وشلون ناره
ماكان عني يبتعد ويروح ديره

الشوق بعثرني وطال انتظاره
يعني خلاص الحب هذا مصيره
•••

فواز عطني من بكيتك زقاره
وخدرلي الشاهي وخليه شيره

بجر صوتن مجلبته الحضاره
ميراث شايب مختلف في مسيره
•••

بعض الشعر يفقع عليك المراره
وبعضه يداوي كل نفسن كسيره

وانا حكمت القاف وربكت كاره.
لاكن عفته يوم حاسو مريره
•••

مدامو الشعار نورة وساره
وسيمون الاسمر هو يقود الحضيره

يعني مسمى الشعر رهن استعاره
يعني تقبل لو تهيجن شكيره
•••

فواز وينك ماتمد الزقاره.
لي حروت الساعه يبيلي تعميره

يمكن مع الدخان تزول الحــــرارة
خص اذا شاهيك ياخوك شيـــرة
•••

وخلها علي الله ماهي أول خسارة
ولي خلقة الله خلق ناس غـــيرة