[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم

قصيده جديده تحاكي الواقع ..

وان كانت بدايتها عن الذات والحزن ..

..........


انا مدري وش الحكمه اذا شد الحزن فيني
ولا ادري وينها المتعه اذا يومي غدا ضدي
انا وان طال بي ليلي قسم بالله تدميني
همومن صالت وجالت وبيّن ماخفى سدي
الزوايا والمرايا والبراويز وحنيني
يامعاني ذكرياتي في بحر جزري ومدي
صارحيني ياالقوافي ليه شعري مايبيني
كل ما اكتب ليه تفلت هذي الريشه بيدي
الوجيه الطيبه ساءها وجه ٍ حزيني
والوجيه السيئه طابها فرح ٍ وسعدي
صرت مدري وين ابقلط اي حزن ٍ ينتشيني
صارت الكف الشمال واليمين اقوى تحدي
يالدموع البارزه لا اغرقت في جفن عيني
وش حصيل الزرع ان روا من ماك خدي
ويش ابنتج من حياتي غير صرخات الونيني
والذهول اكبر علامه لانظرت القلب يندّي
علميني يالوجيه اللي همها كشخة وثميني
لاسألك الله سؤال ٍ نفّض ضلوعك وتردي
وينهم عنك اناس ٍ تاكل الخبز بعجيني
ماي بزبوزك تمنّو مره وحده لو يعدي
ايه شاطر بس تجمع بالقروش اكبر خزيني
وكن قرش ٍ ينفعك ان فارقت روحك بيجدي
ايه والله بعذرك يالقوافي ماتبيني
دام شعري لاكثر قطّع عروقي بـ كبدي

....

وسلامة من قراهاا ..