[كلمة حق]

الله مـن همًََ(ن)بروحـي سهجهـا
بخافي ضميري في كنين الحشا لاج
احـر مـن نار(ن)توقـد وهجهـا
منها خطر روحي على سلك ديباج
وعين(ن)عسى المولى يعجل فرجها
يهل ناظرهـا كمـا عيـن هـداج
استرسلـت للدمـع ممـا رهجهـا
غيض(ن)يكض عبارها مثل الامواج
كم واحد(ن)لـه غايـت ماهرجهـا
يكنها لـو هـو للادنيـن محتـاج
يخاف من عوجـاً طـوال عوجهـا
هرجة قفى يركض بها كل هـراج
يقضب عليك المخطيه من حججهـا
حلو(ن)نباه وقلبه اسود من الصاج
والله خلق دنيـاً وسـاع فججهـا
وعما يرد القلب لـك كـم منهـاج
والرجل وان خطت لياليـك سقهـا
عسـى تواليهـا تبشـر بالافـراج