/
\
قلت له والبال ضايق ليه يـا غالـي حزيـن
ودي أعرف وش سبب هالصمت ذا لي كم عام..!
كم سألتك واتهرّب !! قال عونك يـا عويـن
موتي أشوى من حياتي !! قلت يا حسن الختام..
وانفجر صمته مثل سيـل البراكيـن الدفيـن
يا عجب كيف اللهب يمشي على ريش النعـام
قال أنا وردة حزينـه نابتـه مـن جمرتيـن..!
تربتي جمر ورماد وغيري في بـرد وسـلام..
حالتي حالـة يتيـمٍ مالقـى عطـف وحنيـن
ضايعٍ بيـن الخـوال وضايـعٍ بيـن العمـام
قلت كيف..؟ وقال مدري! هذا قدري من سنيـن
ودي أنسـى لاتذكّرنـي وتهدمنـي هــدام
وانزلت دمعات عينـه قبـل تلحقهـا اليديـن
وانحنى كنـه شجـاعٍ حـده وقتـه للخمـام
صد راسـه منحـرج منـي وقـال بكلمتيـن
دمعتي ذل ومهانه؟؟ قلت خـل عنـك الكـلام
دمعتك رمز الوفا والصـدق والعقـل الرزيـن
في زمان الكذب والـراي العـوج والانهـزام
هل دمعك من يسار وهل دمعـك مـن يميـن
اغسـل همـوم الليالـي والالـم والانحطـام
قـال آآآه وقلـت يالله تلعـن ابليـس اللعيـن
لا تجر الآآه قدمـي وأنـا لـك درع وحسـام
قال لاتتركنـي وحـدي ليـن ينبـاح الكنيـن
قلت له اترك جميع الناس وأجي لـك غـرام
مثل ما قال المثل تكـرم مدينـه لجـل عيـن
كـل ماهلـت دموعـه جاتـه ايدينـي حيـام
وابتدى ينساق له من قلبي أسـراب الحنيـن
لين هـدّت الهبايـب وانجلـى كـل الغمـام
قلت له بس لي طلب واحد وقال ابشر يازيـن
قلت بعد الدمـع ياطيـب الفـرح والابتسـام
وأبتسم لي بابتسامـه الحجـر منهـا يليـن
يالله انك تحفظه من نظـرة اعيـال الحـرام
ثم سكت شوي وقال اشفيك ساكـت يافطيـن
قلت له والشوق يسري في عروقـي والهيـام
يا حلاااتك وأنت تضحك فوق خـدك دمعتيـن
منظر الدمعه وضحكك كنهـا حـرب وسـلام..!
............
<~ ٌورٍدهٌـ لـًن تحـــٌيٍا روحـــٌَهٍا الا بـــٌتوـوٌٍـاجـــٌدٍكًمٌ..!