رجعتنا لذيك الأيام اللي ماتروح عن بالنا والناس اللي فيها كانت قلوبهم نظيفه صافيه مافيها غل او كره لاحد ,, اتذكركان الجدار الي بينا وبين جيرانا قصير وكنت أنا والبنات ماتشوفنا الافوق ذا الجدار نسولف ونضحك وإذا أمي وأمهم جاو لبعض حنا مانروح معهم لا ع طول من فوق ذا الجدار نشقح وأي حاجه نبيها من فوق ذا الجدار حسافه عليه راح .. واتذكر كان عندنا حمار(( أكرمكم الله )) وقاري أبوي الله يحفظه دايم يركبنا مع العيال ويمشينا بين النخيل بس مات الحمار :sm11:
والقاري الى اللحين موجود يذكرنا فيما مضى .. السوالف عن الماضي ماتخلص لانها حلوه ونابعه من القلب .. يعطيك العافيه أخوي كلمة حق ع الموضوع الأكثر من رااائع وع الصور اللي تذكرنا بحنين الماضي .. عساك ع القوة ودمت بحفظ الله ورعايته ..