[اسير الشوووق]

لبّى عيونك كيف مـا جيـك وآصلـك
وانت الهوى اللي ساكـنٍ بالمحانـي
برحل على شانـك وبسكـن منازلـك
واصير جـارك وانـت بيتـك وزانـي
وحدك تربعـت بحياتـي علـى الملـك
العرش عرشك وانت سيـد المكانـي
بعيش تحت امرك من اخرك لأولـك
فـي وسـط قلبـي مـا تضـام وتعانـي
تتـوه نظـرات العـرب مـا تحصّـلـك
بعيـد عـن عيـن الحسـد والهـوانـي
يا مصعبك ياصاحبي وانت مسهلـك
يـا مطـول بعـادك وشـوفـك ثـوانـي
مرات مـن حبـك ابـي كيـف ابطّلـك
ومـرات مـن حبـك انـا اكبـر انانـي
والناس تنصحني تقول اش مبهذلك
ولا كـأنـه يشبـهـه شـخـص ثـانـي؟
واقول انا من دون ما جيك واسألك
يسلـم حبيـب الـروح ساكـن كيـانـي
اعشق مسافاتك ولو درت فـي فلـك
ماهمـنـي لــو بـعـد زولــك عيـانـي
دامي عرفتك كيـف ياصـاح بجهلـك
والجـهـل بالمـعـروف هــدّم مبـانـي
لبّـى عيونـك قلتهـا قبـل مـا آصلـك
ويقولـهـا قلـبـي بـوسـط المـحـانـي