[أبو طلال]

بعد صلاة الفجر توجهت إلى محطة وسمي أعبي بنزين

لقيت مصري يشيل في نفسه ويحط
يصارخ وينادي بالفزعة
جيته ومسكته لأنه كان يضرب براسه السيارات والعمدان والأرض
أبو الشباب كان يصلي في مسجد المحطة ويوم طلع لقى سيارته مسروقة
كان فيها جوالات جديدة كثيرة تصل قيمتها إلى 200 الف ريال
لأنه مندوب توزيع للمحلات .
الله يساعده باللي هو فيه لأنه مبلغ ماهو ببسيط والله انه قطع ملابسه
أتصلنا بالشرطة وجات وإلى الآن وهم هناك

لكن أهم مافي القصة هو أن الشخص صاحب السيارة
حاط الكراتين في الشنطة وحاط كم كرتون في مكان الراكب
اللي يمر على السيارة بيشوفها

وكأنها دعوة للسرقة
كأنه يقول تعالوا أسرقوني

وهذا حال أغلب الناس الله يهديهم

يحط أغراض داخل السيارة تكون واضحة
لابتوب ، جوال ، شنطة ، محفظة ، جهاز ما ، بطايق أو جواز سفر ..........

نصيحة أخوية :
لاتحطون شي مهم داخل السيارة وتنزلون عنها دون تامين أو إخفاء للغرض

الله يساعده هالمصري حالته صعبة جدا
كل اللي هناك من شافوه رحموه وبكوا على بكاءه