[نوخذة العقير]

سؤال بسيط لهم ولكل عيوني مثقف او صاحب خبره في اي مجال
ليه ماتشاركون في الملتقى ؟
ليه مالكم نشاط انترنتي تساهمون فيه كل في مجاله
الثقافي او الاجتماعي او الرياضي او السياسي او التعليمي او الادبي او الديني او اي شي
كفايه هذا البعد
احنا محتاجينكم كثير لاتكونوا بعاد عنا
لاتكونوا زي مايقول المثل _ عين عذاري _
والله ترى نقول ونتكلم في المجالس ونتسائل كثير
ليه الاستاذ الفلاني نلاقيه في منتديات مسجل وله مشاركات ويبدع وعندنا ولا له ذكر
ليه الاستاذ الفلاني له مقالات ومشاركات في الصحف والاذاعه والتلفزيون وفي النت عندنا ولا له شي ابد

الا اذا كانوا مايدرون عن الملتقى هذا شي ثاني
مع ان الملتقى صار حديث كل بيت في العيون

مايقصر ابو اشرف الله يطول بعمره يشارك
وكان يشارك معانا من فتره الاستاذ سعد الفجري
الاستاذ فواز الحربي الله يبارك له يشارك

وفيه اساتذه من مدرسين ومدرسات يشاركون
بس باسماء مستعاره وان شاء الله يجي الوقت اللي يغيرون اساميهم



وسمعت من واحد ثقه في اداره الملتقى انه بيكون قسم جديد لشخصيه دينيه قريب

تعالوا لنا وعطونا من علمكم الله لايهينكم