[سااااهر الليل]

ماني عقب فرقاك يابنت ندمان********** ما اندم علي درب برجلي مشيته
اندم على وقت مضى بالهوى كان********** يوم ان عمري في هواكم قضيته
ياما على شانك تحملت الاحزان ********** وياما على شانك زماني عصيته
ماكنت اطاوع كلمة فلان وفلان********** وعند العواذل سركم ماحكيته
واليوم ياقلب وقت السفر حان **********حان السفر وانسى عشير هويته
مدام من تغليه في حبكم خان********** لاترتجف ياقلب لامن لقيته
لابد يذكرني لامن القمر بان********** ويعرف وش اسباب الجفا لاجفيته
عزيت نفسي عن هوى كل خوان********** وانهيت درب في هواها مشيته