الواحد يكون غافل ولاهي في دنياه
وتمر عليه مواقف تنبيه وتذكير من رب العالمين
وفيه ناس ياخذون العبر من غيرهم
وفيه ناس تاخذ العبر من انفسهم
ولكن الذي يتعظ بغيره هو الشخص العاقل
اللي يتلحق على نفسه قبل يكون هو من يتعظ الناس من اللي جرى له
قال الشاعر الحارث بن كلدة في هذا المعنى:
" إن السعيد له في غيره عِظَةٌ ____ وفي الحوادث تحكيم ومُعْتبرُ "

وانا والله ماكنت من اللي يشوفون مايجري للناس ويتعظ
لين جاء ذاك اليوم وصار لي اللي صار معاي
والحمد لله على ان اللي جرى لي كان ماهو في صحتي لكن في مالي
والمال يتعوض لكن اللي صار صحاني من الغفله

والحين ابي من اداره الملتقى مساعدتي في شي بسيط
وهو اني اعطيهم الاشرطه الغنائيه اللي عندي
ويعطونها اي مركز اسلامي ويبدلونها باشرطه دينيه ويوزعونها للناس

ادري ان اداره الملتقى دايم تفزع
وتقدم خدمات خيريه بدون مقابل
ولا عندها حساسيه من اي شي تقدمه للغير
لاني متابع للملتقى وشايف اللي يصير
عندي رقم المدير ماخذه من موضوع في الملتقى
ان تمت الموافقه باتصل عليه واجيب له الاشرطه
وعددها اكثر من 10000 شريط غنائي
ادري عددها كثير بس هذا تحصيل سنين طويله تجميع
وبعد فيها اشرطه لو ابيعها او اوزعها باطلع ذهب منها
لانها نادره وماحد يملكها لكن طززززززز

الحمد لله على سلامتي والحين ادعو لي ياخوان بالمغفره من رب العالمين