بسم الله الرحمن الرحيم
حبيبي الغالي // ولد ديرتي
السلام عليكم وحمة الله وبركاته
أسمع مني هذي الكلمتين أكراماً لكل من يحبك ويغليك من أجل أمك وأبوك وأخوك وكل غالي في حياتك ..
شاهد معي هذا الملف كامل ( تكفى ) وتكفى ترى تكفى تهز الرجالجيل .. وبعدها أستمع لخوك أبو محمد وش عنده
حبيبي الغالي : -
في خاطري أني أكلمك عن حضورك لساحة تفحيط الصناعية ...
- أخوي ترى حضورك لساحة التفحيط تشجيع للمفحطين في الأستمرار .
- أخوي سمعت أكيد بالحوادث الي صارت .. وأخاف عليك أن ينالك جزء من الأثم لو مات أحد أو أصيب .. تدري ليش .. لأن حضورك كان سبب في أكثار سواد الحاضرين والمفحط يحب كثرة الجماهير.ويزيد تهوره
- أخوي ليتك زرت قسم الإصابات والحوادث في المستشفيات وشفت بعينك ما يدمي قلبك .. ! تعرف هذول كانو في يوم من الأيام مثلك معافيين وبصحة .. ولكن في لحظة ضاعت حياتهم .
- أخوي كأني أسمع منك تقول ( أنا حذر ) لالالالا ياخوي ! أنت حذر ؟ المفحط ماهو بحذر .. هو أهم حاجة عنده يأدي حركته ويمشي ..
- أخوي لا تكون عبره لغيرك وأعتبر ممن مضو .. فجعو أهلهم فيهم .. ( بوفاة أو غيبوبة أو إعاقة أو بتر عضو أو كسور ) . وأصبحو عاله على غيرهم بعد ماكانو يعزون أنفسهم بأنفسهم
- أخوي نفسي أفهم وش الفايدة من حضورك ، عندك وقت فراغ أستغله في زيارة ، اقضي مقاضي بيتك ، شغل مهم أجلته سوه .. بس لا تضيع وقتك في أماكن تساعد على القتل .
- أخوي ترى المفحط مايشبع غروره ساحة تفحيط الصناعية .. صنفت عنده يفحط حتى عند بيتك ومكانك
- أخوي أبي منك تعين وتعاون في نصح الشباب في ترك هذي الأماكن . وشرط تموت هذي الظاهرة
- - - - -
أسمع مني حبيبي الغالي يا ولد ديرتي وأترك هذي الأماكن وعش حياتك الحلوه مع محبيك وكل من يغليك