[بقايا جروح]

جيت تسأل ياحبيبي بذمتك منهو تكون.؟
وقمت أضحك من سؤالك مبتسم يومك لفيت

قلت أسمع ياوليفي خابرك شخصٍٍ تمون
أنت فرحي وأنت حزني وأنت دمعي لابكيت

وأنت في جمله قصيره \\\"رمش عيني والعيون\\\"
وأنت في كل الدقايق فكري لامني سهيت

وأنت شعري والقصايد وأنت عزفي والفنون
وأنت حظي وأمنياتي يومي أتمنى وجيت

وأنت لي نظرة وبسمه بإنطواءات الجفون
وأنت لي خدٍ تطوى بإبتساماته حييت

وأنت جوّي لاستوالي بالسحايب والمزون
وأنت قطرة فوق صدري منها مره مارتويت

خذني الطفل المدلّع وسط حضنك يالحنون
وأخذك دربٍ طويل ماأتعبه مهما مشيت