[مملكة الاحساس]

يوم من ايام السبت كنت استمع
لراديو محطة جدة
عن بعض المشاكل اسمه لست وحدك
وهالبرنامج يعرض مشاكل عندنا بالسعودية يعتصر لها القلب وتدمع لها العين
و والله الي يسمع مصيبتهم تهون عليه مصيبته البرنامج يجي كل يوم سبت الساعه 10 ونصف تقريبا
كانت المتصله ام تشكو حال زوجها
وكان واضح من لهجتها انها سوريه
طبعا زوجها سعودي
تقول زوجهاضيع فلوسه وصبرت عليه وعندهامن العيال حول 7 مااتذكر بالضبط
تقول بعد ماصبرت عليه وزان حاله طلقها وترك لها العيال وكانت تصرف عليهم من فاعلة خير
كانت تعطيها كل شهر مبلغ معين وبعدها اقطعتها لصعوبة ظروفها المادية
فظلت تصرف عليهم من الضمان الاجتماعي
تخيلوا كانت تقول انها ساكنه بصنادق باحدى حواري الرياض
والى الان مو معترف فيها ولاحتى اخذت الجنسية السعودية
ومن ظلم الاب تزوج له وحده
والقهر انه
مقدم على الضمان الاجتماعي باسم اولاده ويعطونه فلوس لهم
طبعا الي من زوجته الاولى بس تحلف انه يصرفه على بيته الثاني وهم مايعرفهم
اكبر اولاده عمره حول 20 سنة
يدرس بالكلية
لا ومن زود ظلم الاب تقول ان هالولد الكبير
كان يأذن بمسجد وجاء ابوه وقام يهينه ويتكلم عليه لين ترك هالولد المسجد
وعلى الرغم من قسوة هالاب الظالم الا ان الولد مايرضى ان امه تتكلم عليه ودايم يدعو له
ربي يرحم حالهم ويسخر لهم اهل الخير
ويهدي كل اب وكل ام
ويحفظ لي والديني
آمين
دمع كل الشكر على اختيارك لهذا الموضوع