[عَبقْ]

المشاركة الأصلية كتبت بواسطة مملكة الاحساس

جيتي ع الجرح يالغلا
والله ياكثر الي اعتمدوا على الشغالات في البيوت وياكثر الي اعطوهم الثقة وهم مايستاهلونها
وياكثر الي تعاملينهم باخلاص النيه بس مع ذالك يغدرون بالنهاية
صحيح مو كلهم بس الاغلبية
نادر ع مانشوف اهل بيت مايشتكون من شغالتهم مع اعتمادهم عليها
ولكنهم مضطرين
مثل ماذكرتي شر لابد منه
ولان النفس تحب الراحة نملكهم زمام الامور واذا صارت مشكله او اي شيء منها بسرعة تروح هالمشكلة ونطيرها بسبب الخلود للراحة
وهي عارفة ماراح يصير لها شيء لانهم محتاجين لها
كانت عندنا شغالة ظلت عندنا 9 سنوات طبعا لانه لاقية احسن معاملة
بسب هالشغالة ياما صارت فتن ومع ذالك كنا نسامحها لطلب الاجر من الله
لكن هالسنة خلاص قررنا نوديها ولا نرجعها
كانت تبي ترجع وكانت تظن ان البيت راح ينهد كيانه ع روسنا اذا هي سافرت
بس الحمدلله صار لها 5 شهور من راحت والحمدلله بيتنا احسن وافضل .
وع الرغم من ان الوالدة وحنا البنات وكل فرد بالعائلة مانقصر عنها بشيء
لكن لقينا عندها بلاوي تشيب الراس.
الحمدلله ان ربي فكنا منها وراحت.
وربي يهديها
مشكلة الشغالة اذا اعرفت اسرار البيت او نقاط ضعف افراد العائلة اعرفت كيف تستغل الامور لصالحها
خصوصا من ناحية كبار السن
اتمنى ننتبه لوجودها في بيوتنا ونضع لوجودها حدود


مآتعرف تنظّف و تكوي .. تخآف تحرق آلملآبس
<<~مآآدري آلمكوآة حقتك فيهآ درجآت وآرقآم ولآ تشتغل بآلفحم !

مووتني ضحك
هو صحيح في كواية ع الفحم بس حتى لو كوايتها ع الفحم اذا هي ماهرة بتقدر تكوي فيها
الحمدلله امي معلمتنا من حنا برابع وخامس ابتدائي ع الشغل وحتى والله ع الطبخ
وحتى لما كانت الشغالة موجوده اغراضنا حنا الي نصلحها بانفسنا بس نحتاج القليل لمساعدتها
وكان ضرورة وجودها في بيتنا لان بيتنا بيت عائلة بيت جد وجدة
واخواني الله يحفظهم كل واحد ساكن في بيت و شقة بالحاله بس عيالهم متواجدين ع طول في البيت
وبالنسبة لما ذكرتيه ان الشغالة صارت كل شيء في البيت
اي والله صدقتي امس كنت مع امي بالمستشفى وشفت شغاله جايبة بنت وش زينها تراجع معها مواعيدها بالمستشفى.
ولما اروح مع بنت اختي الملاهي وش كثر الشغالات الي جايين مع البزران يلعبونهم
وبالنسبه لشغالة الي صارت سيدة البيت هذه صارت عندنا وطبعا الكل سمع بسالفة الرجال الي تزوج خدامته؟
ياليت يصير عندنا حب التعاون الاسري كان ماحتجنا لشغاله وياليت كل اب وام يعلمون اعيالهم ع شغل البيت وتوزيع المهام في المنزل
ياجعل روحي فداء لمحمد صلى الله علية وسلم الي كان يصلح نعله ويخيط ثوبه ويشتغل لاهل بيته
قال صلى الله عليه وسلم(خيركم خيركم لأهله وأنا خيركم لأهلي)
شكرا لك يالغالية ع طرح هذا الموضوع

{ مَمْلَكَة آلإحْسَآسْ }

يآهَلآ وغَلآ
كلآمك صحيح يآلغلآ
لو وُجِد آلتعآون من جميع آفرآد الأسرة مآ آحتآج آلبيت لخآدمة
ولكن مثل مآذكرتي حب آلرآحة وآلكسل همآ الدآفع الأسآسي لغآلبية الأُسر

الحمدلله امي معلمتنا من حنا برابع وخامس ابتدائي ع الشغل وحتى والله ع الطبخ

مآشآء الله
هُنآ مَربط آلفَرس
آلتعويد منذ آلصِّغَر وتحمّل آلمسئولية حتى تصبح عآدة .

اي والله صدقتي امس كنت مع امي بالمستشفى وشفت شغاله جايبة بنت وش زينها تراجع معها مواعيدها بالمستشفى.

هذي ممكن تهون لكن آنآ شفت بآلمستشفى خآدمة ومعهآ شآيب جآلس في آلعربية
ورد على بآلي تسآؤلآت كثيرة
إذآ هذه آلخآدمة هي آلتي تقوم بخدمة هذآ آلشآيب طيب وين أولآده؟
زوجته؟
بنآته؟
آحفآده؟
معقولة يعني لهذي آلدرجة وصل آلعقوق بآلوآلدين وآلتخلي من مسئولية رعآيتهم ؟؟
تسآؤلآت آضع بعدهآ آلكثير وآلكثير من علآمآت آلتعجب والإستفهآم
اينهم من قوله تعآلى في مُحكم آيآته:
"وقضى ربُك ألآ تعبدوا إلآ إيآه وبآلوآلدينِ إحساناً إمآ يَبلُغَنَّ عندك آلكِبَرَ أحَدُهُمآ أو كِلآهُمآ فلآ تقل لهمآ أُفٍ ولآ تنهرهُمآ وقُلّ لهُمآ قولاً كَريماً"

آتمنى فعلاً الإستغنآء عن آلخآدمة يآمآ خربت بيوت وفككت آُسَر
وربي يحفظ لكم آلوآلدة ويطيل بعمرهآ
ويعطيهآ آلصحة وآلعآفية
ويثيبكم على عنآيتكم بهآ وبكبآرآلسن خير آلثوآب
شآكرة لك روعة مُشآركتك ونِقآشك للموضوع
لآعدمت إطلآلتك آلرآئعة
دمتِ بكل آلوُدّ ~