04-04-2012, 01:29 AM
|
#142
|
|
يالله الكل يجلس ويربط الحزام
سفرتنا هالمرة بتطول شوي
هيه أنتي ياللي مطلعة راسك وفرحانة بشعرك اللي يطير مع الهوى
أدخلي وسكري الدريشة وإلا بتنزلين ترى
المهم ياخواني بنروح أمريكا لسان فرانسيسكو
طبعا تذكرونها جيناها قبل كذا مع جسر البوابة الذهبية
هالمرة بنلف شوارعها ونشوف بعض الأحياء اللي فيها ناس يسكنون في بيوت وعماير غريبة جدا
هم يسكنون في بنايات شكلها غريب
يعيشون في بيوت مايلة وماهي مستقيمة
هاه شرايكم
غريب هالعالم والله
مدري وش في مخوخهم
تبون الصراحة ؟
فيه سبب مقنع لهذا الأمر
هذا ياسادة يبنون فوق جزء من أرض طينية فيغوص جزء من البيت
لما يغوص البيت الساكنين مايطلعون منه بسبب عدم وجود شقق
لا أحد يصدقني هههههههههههههههههه
مو هذا السبب
والسبب الصحيح هو اللي بقوله بعد الصورة الجاية
المباني مافيها شي ههههههههههههههههههههه
الشوارع هي اللي فيها
هي في الأصل مايلة بشكل كبير
والمباني تنبني على صلالات ومنحدرات
شفتوا كيف يلبقون يساراتهم
الشوارع مايلة بشكل كبير
شوفوا كيف الناس تمشي
مسكين ههههههههههههههه داخ
طيب ليه الصور اللي في البداية كانت المباني مايلة ؟
السبب أن المصورين لافين الكاميرا شوي عشان يبين الشارع أنه عدل
فإذا لفوا الكاميرا البيوت بتلف معاها
أرجعوا شوفوا أن الناس مايلة بعد
فيه شوارع طويلة وشوارع قصيرة لكن كلها مايلة
لأن ثلاث أرباع المدينة مبنية فوق هضبة مرتفعة ففيها صعود وهبوط
عشان يضبط وضع الشي لازم يحطون شي تحته حتى يتوازن
حتى الأرصفة صارت درج
شوفوا معاي الصورة الجاية
كيف أن الشارع عندنا مسطح
وعندهم متعرج طالع نازل
أجل تعالوا نتخيل ممكن ؟
شرايكم أنهم يسوون الشارع اللي فوق بمسار واحد نازل من فوق إلى تحت
ويزرعونه ورود ونباتات وحركات
زي كذا يعني
هاااااااااااااااااااااااه شرااااااااااااايكم
طيب شرايكم أنهم فعلا سووه زي كذا
ومن زماااااااااااااااااان بعد وهذا هم في بدايته
وهذا بعد مافتحوه للجمهور
وهذا بعد سنين من إفتتاحه
وكل وقت ووقت يزرعونه ورود ونباتات غير شكل
فيه وحده عجوز كانت مريضة
وحلفت أنها تسوي حفله لو تطيب
وطابت وجمعت أطفال الفريج ولعبوا في الشارع
البزران وأهاليهم
والعجوز كانت تسوي لهم مسابقات وتوزع لهم الحلويات
ومن ذاك الوقت في الستينات إلى هالوقت وهم يسوون هالمسابقات
يسكرون الشارع ليوم كامل ويجيبون الأطفال ويلعبون
هاه شرايكم أي شارع تبون تروحونه في الليل
الطالع نازل وإلا أبو ورود اللي يروح يمين ويسار
|
|
|