[فخر%سبيع]

موضوع مره شدني وحبيت اشارك فيه وطبعا هذي اول لي مشاركه بالمنتدى

حابه أقول رايي بالموضوع

طبعا أغلب الأعضاء للأسف حسيت برنة استهزاء او سخريه لأهالي الأحساء

الكل اجمع ان العيون غير ومهوب من تعب الأحساء ليه عشان الهجه وبعد المنطقه

تتكلمون عن لهجة الحساويه وماتشوفون لهجتكم؟

ترى مثل ما انتم تتكلمون عن لهجتهم هم بعد يتكلم عن لهجتكم

لاتقولون لي وش فيها لهجتنا راجعوها(وش كبره!!) وبعدها كلموني

يعني انا بالكليه وربي ما افتري البنات تقول اولاد صوت مره قوي وين حنا فيها كلهم يعرفون انهم عيونيات ومن ديرتي

صحيح منطقتنا العيون متكونه من عدة قبايل منحدره من عدة مدن

هم بعد عندهم قبايل وانا بنفسي اعرفهم بقوم وسبعان وقحطان والخ

اجدادهم هم من جابهم للهفوف وللمبرز ولو انتو عشتو معهم بتعرفون انهم موب بنفس الهجه غير

ولا بعد ابشركم يكرهون بعض

وحتى لو قالو حساوي حساويه لايكون قالوا لكم زاني ولا زانيه

خلو فكرنا ارقى من كذا

الحين شباب العيون اغلبهم ياخذون من برا الهفوف والمبرز وغيره وهم من ينطبق عليهم =حساويه

ونفس الشي بناتنا ياخذون شبابهم

الواحد لايناظر لهجة الشخص ومستواه يناظر اصله اخلاقه دينه شهامته

انا ما اشوف الاعندنا لاقالو لهم انتم من الحسا شبو نار

تعرفون ان بعضهم من الرياض والخبر وغيره اذا اسئلوهم من وين قالو الحسا وهم اصلن من الرياض وغيرها

قالو حنا حياتنا عشناها هنا ليه ننكر الحسا وحنا ماندري عن هوا دار ديرتنا

بالعكس لاتجلسون تعصبون وغيره موب ذنبنا اذا بعض الناس فاهمه اهل الحسا غير

بعضهم يفهم انهم لهجه وحده مستوى واحد ونسوا ان الحسا منطقه كبيره تعتبر من اكبر مناطق المملكه وكل منطقه فيها تختلف لهجه وعادات

اذا الدمام فيها الثقبه والخبر وغيرها وكل منطقه عندهم لهجتها غير ليه اهل الدمام ما عصبو مثلنا واهل القصيم وغيرهم ؟؟؟؟

برغم ان اهل الثقبه لهجتهم مثل اللي تكرهونهم انتم

بس لأن مايهتمون مافكرو مثل تفكيرنا

وبالنهايه اتمنى ردي تتقبلونه بصدر رحب