[aloyun]

السلام عليكم ورحمة الله وبركآته
وعليكم السلام ورحمه الله وبركاته وعافيته

اولا / عافاك الله على هذا الموضوع
الله يعافيك وشكرا جزيلا

ثانيآ / تساؤلات ، وأتمنى أن يتسع صدرك لهآ :-
* بما يتعلق بالتصوير ، كم اخذ منك من يوم ...؟ " لانه ماشاء الله ، قمت بتصوير جميع الحاويات لاجل ارفاقها في موضوع ، على اساس انه موضوع شامل وهو عكس ذلك "

ثلاث اسابيع كان التصوير بس عشان اشوف فيه تغيير والا بيبقى الحال على ماهو عليه ومعاك حق ان الموضوع مش شامل ولا جبت كل اللي لاحظته وسجلته عندي

* لماذا لم تآتي للمكتب وتخبر ادارته بجميع الملاحظات لكي تؤخذ بعين الاعتبآر ان كانت في محلهآ فعلا ..؟

الصراحه ماجيت المكتب
لان المكتب عندنا هنا في الملتقى يدخلون ويشاركون
وكل اللي قلته انا اكيد فيه عشرات في العيون يقولونه في مجالسهم
عشان كذا الموضوع هذا يخدم المكتب كثير
بدال مايرد على كل واحد يكتب هنا مشاركه وحده وبتدخل كل بيت في العيون

* تكلمت عن البنر وانه ملقى ولايوجد من يهتم به ، لماذا لم تكلف على نفسك وتقوم بتعديله ، وانت محسوب على مدينة العيون وأحد سكانها ، أليس المكتب يخدم مدينتك ...؟

صح كلامك لكن افطن اني اكتب عن شي مابيه يتكرر
هذا شي والشي الثاني انا قلت لو انهم يمرون على الحاويات ويشيلون اللي فيها كان مروا على ذيك وعدلوا البنر
وودي يوم انك كتبت ردك هذا كان رحت وعدلته عشان تعطي الغير درس عملي لان البنر الى هذه اللحظه طايح

* تكلمت ايضا انه لايوجد اهتمام من قبل المكتب ،، ولعلي أقف عند هذه النقطة طويلا

- كيف تقول ان المكتب لايهتم بمشروع الحاويات وقد أعاد تصنيع الحاوية التي تم احراقها والتي ارفقت صورة لها ، فاذا لم يكن يهتم ، لما اعاد تصنيعهآ ..؟

ممكن تجاوب على هذا الاسئله
ليش احترقت الحاويه . هل الحديد يحترق ؟
شيدل عليه وجود عدد كبير جدا من الملابس فيها وقت الحريق ؟
تعديلها كويس ونعده للمكتب بس ليه مايتابعونها كل اسبوع او كل شهر ويشيلون اللي فيها ؟

- انا من الأشخاص الذين وقفوا على مشروع الحاويات ، هل تدري كم كلف المكتب من ميزانية ،,, ..؟ واذا كان المكتب لايهتم ، اذا ماالداعي من عمل المشروع
وصرت الالوف المؤلفة عليه ...؟

اللي عند الله اكبر وافضل
وهم ماسووا كذا الا انهم يدورون اللي عند الله
وانا ماقلت انه مش مكلف بس الناتج عنه احسن بكثير لهم من الفلوس اللي صرفوها
انزين اذا انت قريب من المكتب
ابي اعرف ليه ماسووا لها اعلان وتنبيه ؟
وليه ماكتبوا عليها بلغات عشان الكل يعرف ؟




* أليس حري بك بدلا من ان تتكلم عن اهمال المكتب ،، ان تتكلم في مواضيع تهتم بتثقيف سكان المدينة وتوعيته بمساندة ودعم مشاريع المكتب التي ماوضعت الا من اجل هذه المدينة ....

بالعكس ياخوك
الملتقى عمل قسم خاص للمكتب واللي قفلناه قبل اسبوع مع بقيه الاقسام الحكوميه لانهم مايتفاعلون مع اقسامهم
وقسم المكتب التعاوني حطيناه عشان يهتمون بثقيف وتوعيه الناس لتتم المسانده والدعم لمشاريع المكتب

فمن احرق الحاويات وشوهها .. أهو المكتب ام سكان المدينة ..؟

حسبي الله على اللي حرقها لو كان قاصد
بس لو كانت الحاويه فاضيه ما انحرقت

امانة ،، لا أجد لموضوعك سببا واضحا لكتابته الا مقولة " الانسان عدو مايجهل "

الانسان عدو مايجهل صحيحه هالجمله ومعانيها واقعيه حيل
عشان كذا كتبت الموضوع عشان ينورونا ويعلمونا اللي نجهله وان شاء الله يردون علينا

نقطة اخيرة تتعلق بكتابة المواضيع لعلها تفيدك في المستقبل كونك مدير المنتدى

" اذا اردت ان تكتب موضوعا فحدد اسلوب طريقة كتابتك فيه ، ان كان الخطاب عاميا ف عاميا ، وان كان فصحى ف فصحى ، اما الدمج بين الفصحى والعامية في الكتابة
يؤثر على المخيخ الايسر للدماغ البشري "

اسم الله على مخيخك الايسر والايمن بعد
بس التقليد ومايسوي
لاني تقمصت طريقه كتابه واحد من الاعضاء هنا من فرط اعجابي به
وان كان على ضرر المخيخ الله يستر على اللي عندنا
لان ردك فيه شطحات عاميه وتقليعات نتيّه

هذا والله يحفظك ويرعآإك

الله يحفظك ويرعآإأآإأآك
والحمد لله اللي كتبت هذا الموضوع اللي خلاك تسجل وتشارك
واتمنى انك ماتقطع وتشارك بردود ومواضيع في ملتقى العيون اللي ماوضع الا للتثقيف والتوعيه وانت محسوب على مدينه العيون واحد سكانها اليس الملتقى يخدم مدينتك ؟