[aloyun]

حمله بسيطه في اسلوبها كبيره في معانيها


كنت مع شباب في احد المجالس وكنا نتكلم عن تعب البنات من خوات وزوجات وامهات في رمضان
البنات والمطبخ قصه عظيمه طول السنه بس برمضان تكون اعظم واعظم من الظهر وهم مسنترين في المطبخ وبعضهن من الصبح اذا كان فيه ضيوف وبعد الطبخ والنفخ لاطباق رئيسيه وجانبيه وسلطات وشوربات يجي الحلى والبارد والقهوه والشاهي وبعد هذا كله غسيل وترتيب المطبخ تجي التراويح وبعد التراويح تجي الغبقه وفي العشر الاواخر يكون بعد الغبقه تركيب للسحور لانه بتكون صلاه القيام لان بعد الصلاه مالهم وقت يسوون السحور من البدايه
يطلعون من القيام يحطون الرز على طول ويكملون الطبخ وبعد السحور تنظيف وترتيب المطبخ

يعني من الظهر الى الفجر مايشوفون الراحه
فكل اللي بالمجلس وافق على اقتراح احد الحضور
ان الشباب اللي في البيت يقطون قطيه كلهم ويقسمونها على عدد البنات اللي في البيت ويجيبون لهن هدايا وكلمه شكر يكتبونها لهن تعبير عن امتنانهم وتقديرهم لهن

واطلب من الشباب انهم ياخذون بالاقتراح هذا ويطبقونه