[عَبقْ]

بلغني أيُّها المَلِكُ السَّعِيد , ذو الرّأي السَّديد , والعَقـلِ الرَّشِـيد , أنه ببداية الإجازةِ الصيفيَّة معها تبدأُ الحالةُ الهِستيرية الكلُّ يُقدِّم اقتراح ، وأماكن أبداً ماتنراح وبنهايةِ المطاف , جَنَو أحلى القطاف . أعتمدت عائلة أبو سلطان رحلة لسلطنة عمان , يقضون فيها الإجازة ويشوفون أحلى حاجة .. بعد ساعاتٍ عديدة . قضوها بالسيارَة , ولمسافات بعيدَة .. هاهم وصلوا مسقَط ويدورُون لهم مَرَقَدْ . الساعة أربع العصر , أسستعدو لإنطلاقة تسِرّ ،.. يتمشُّون بــِ الحارات وَ جَوَّهُمْ كلّه حركات فكروا يروحون الحديقة يقولوون عندهم بـَطْرِيِقَهْ ( أنثى البطريق ) . ظلّوا يمشون بـِ الطرقات, وجنبهم أنواع المركبَات . - أبو سلطان : ياعيال أنا تعبت , متى نحصِّل هذي الزفت ؟ - ماجد : اسأل سيارة اذا وقفنا عند الإشارة .. وعِند أول إشارَة .. َ - السلام عليكم - وعليكم السلام - عساك بخير يابعد حالي ، لو سمحت يالغالي - ودي اسألك وين وين حَديقة الحيــوانة ؟ حيوانة حيوانة - لا يابابا مو الحيوانة حييووان .. الّلي فيها حيوانات من كل مكان .. - ابو سلطان : ايييه طيب طيب ماصار شي هذا رجالٍ حْبَيَبْ يقول بيوصلنا .. وزيادة عليها بيفرجنا .. وبعد مشوار ساعة مولآي .. أبو سلطان : عددكم كم عشان أجهز الدرهَم ؟ سلطان : عددنا كلنا عشرة .. خليها .. ابدفعها عشاني ياأبوي وَ سَمْ . أبوسلطان : يلا مشينا ياعيال .. أدهم .. ماجد مازن وخلصصصنا يا حازم .. وعند أول قفص من بوابة الدخول أم سلطان : ياااويلي هذا فااااار ،أعصااابي بدت تنهار أبو سلطان : هههههههههههه ماعليك هذا ماشي .. وبَـــ الّلي حوله ماهو بَداري .. عند قفص القرود , كان مازن موجود يناظرها .. ويناظرها .. وقرَّب حيل يصوِّرها .. شوي إلا شمخٍ بوجههْ وعليه القرد متهجمْ أخذ نظارته مسسكينْ ,, وهو يبكي يبيها الحيينْ ، مسكها القرد وهو فرحَانْ يقلِّبها و يعلِكها و يلبسها على رِجلهْ .. كان الكل يضحَكْ حيييل , ومتأزم هالمازنْ , يبغى يشوف مو قادر وهذا القرد مستلعن , جاه العامل متشطّرْ وقدَّم له أحلى موزْ رماها بعيييد من الفرحة,, وطب على دواء جرحهْ .. مشوا قدَّام .. عند النَّعام أبو سلطان بينه وبين نفسه : سبحانك هذي على الصحن تحلا لك .. يناظرها وهو سسرحان .. ويتخيَّل عليها بصل وحباتٍ ـن من الرُّمان .. نطت فجأة بوجهِه .. تنقِد خدِّه والجبهَة ،، طار مسافة ١٠ أمتار من الروعه .. ويشكر الله محد شافه و محد شافه .. عند الخيل وقف سُلطان .. وكان جسمه حييل مليان , ودّه يركب يَمَشِيّها ,, بس إنَّه خاييف عليها ,, وآخيراً قرر يمتطي وحده , عشان يوسع صدره , دفع للهندي عشرة .. وجلس وضبط الجلسة .. وهو يضرب : يلا امشي يلا امشي هذي الخيل لاتطاع وللأوامر ماتنصاع ، وجهه حيل بدا عرقان من الإحراج وهو زهقان , نزل منها وهو عادي ويقول أبد ماتسادي .. - ماجد وش تسوي ياماجد عند الأسَد متواجد ؟ يضحك ضحك مو طبيعي وللناس سوَّى جوّ رَبيعيّ .. يمد لسانه للأسد .. ويهجم عليه بــ هالجسد.. وكل مرَّه يضرب بالزجاج .. ويطييح .. وزئيره حححيل كأنه يصيح .. - صارت أشياء غريبة ، بس كااانت رحلة رَهيبة ، فرحت العايلة وتمشَّت ، ومِن المقالب تعشَّت . وَ أدرَكَ شَهرَزَادَ الصَّباح , فَسَـكَـتـَتْ عَـن الكَلام ِ المُباح . .