[فديتني يا أنا]

ياللي عباتك دمروها بإتقان
لابوك لابو من شرالك إياها ..
ضحك عليك مصمم وشيطان
خصر عباتك والردايف براها ..
دانتل وجلد وقصايص وألوان
البنت تطلب والخبيل اشتراها
كنك سقيطة طلعوها بإعلان
تلبس ملابس المراقص تباها ..
غابت الأخلاق يا بنت الأوطان
صرتي بضاعة ، الثعالب وراها ..
ضاعت عباتك .. حولوها لفستان
وحزام يفصل وسطها عن علاها ..
جبتي مصمم من فرنسا ولبنان
حارب ثقافة الرسول ابتداها ..
مانتي شرا حفصة وذات النطاقان
والزوجة اللي الرسول ارتضاها ..
وماظن هالأشكال تنجب ك عثمان
وما ظن مسلم في حرمته رضاها ..
ويا كيف تقرأ المصاحف وقرآن
وتمشي تمايل في مراكز هواها ..
استروا أهلكم اسمعوها يا اخوان
السوس ينخر والشريعة عصاها ..
ضاعوا وضعنا من مراكش إلى عمان
وأول ضياع المسلمة في عباها