[الفضلي]

يـاموظـف ياللي تـلعب بالـوظـيـفـه = لـيــه مـاتـخـلـص وتــهنـأ بالحيــاتي

مهنـتـك ياصــاح ذي مهنـه شـريفه = رازقـك ربي كــريـم(ن) بالعـطـاتي

ليــه مـاتـقوى على النفس الضعيفه = طـالع بــيــوم(ن) وبــاقـيــها سـبـاتي

وان حضرت النفس ماتصبح خفيفه = الـقــشــارة والثــقالـــه بــالـصــفاتي

لـيـه ألفـاظـك مـع العــالم سـخيــفـه = ليــه تــهــوى للعـلــوم الطــامـنــاتي

غيــركـم يـبـغي العـمـل ماجا بكيفه = عــايــش(ن) عـاطل ولحظاته شقاتي

ضـاعت ايّـامـه ولا أمّـن رغـيـفــه = واسـرته ضاعت تقول ايش السواتي

الربـيــع ان جــاك لاتـامـن خـريفه = والفـقـر مـايـنـومـن عــقـب الـغـنـاتي

عــاش من هـو عاش أيـامه نـظيفه = قايـم بـشـغـلــه ويـــسمـع للـوصــاتي