[سعود العواد]

القلب تايه

القلب تايه والعقل شت ويلاه
أمشي ولا أدري وين أنا من هوى الشوق

أبكي خفاء والموق صافي زعج ماه
والنفس من كثر العنا صابها عوق

من حر نار الشوق والشوق بلواه
ورع غرير بكامل الزين مخلوق

حبه نشب بالقلب من يوم شفناه
مقبل عليه طلعة الشمس بشروق

يذبح عودة والبلاوي أمقفاه
تقول قيعان النخل والثمر فوق

سبحان من صاغه وجمل أمحياه
الخد آيه والشفا ياعسل ذوق

عيني تكحل به إلا صرت وياه
بحكي وحكي له سواليف معشوق

أموت وأحيا في هوى الشوق عزاه
يفداه عمري واجعل الروح له سوق

يفدى حبيبي ماحوى الغرب وأقصاه
والشرق كله والمواقيف في السوق

مهما حصل لي أريش العين منساه
منساه دام الدمع يجري من الموق

الشاعر: سعود بن احمد العواد