[سعود العواد]

أهوجس

أهوجس واتفكر في زماني
واجر الصوت يوم يطري عليه

ألا ياليت يرجع لي ثواني
يشوف اللي جرى وش صار فيه

أقعدني الوقت وألزمني مكاني
سوات اللي قرص ماله دويه

هموم القلب خلتني أعاني
شقي الروح والصحه رديه

خوي الامس في الشده جفاني
عقب ماكنت يمناه القويه

ليال أول لاغاب البياني
شهودي لو طلب مني هويه

رخصت الروح يوم العلم جاني
وشفت اللي فدى روحه خويه

أحسب الماي ينفع في الطماني
أثر يثر على النفس الابيه

ردي الذات طول عمره أناني
يهد اجبال في امقفى خويه

ألا ياليت تتذكر أفلاني
تذكر بك ليال السرمديه

وراك تنسى وربي مانساني
وانا والله في عيشه هنيه

أحمد الله بأنعام عطاني
قناعه بالقليل نفسي غنيه

غني النفس اكثير الحساني
يحمد الله والدنيا قفيه

قليل الدخل ماهز الكياني
ولا ضعف الرجال الحميه

وأنا باقي لو جار الزماني
وأقوم بواجبات ربي عليه

ختمت بالذكر والسبع المثاني
وصلاه ربي على سيد البريه

الشاعر/سعود بن احمد العواد