[سعود العواد]

الحال حال

ياالله ياوالي على العرش كله
تفرج لمن شاف البلاوي والاتعاس

عبدك وابن عبدك بدا فيه شله
يارب عقده حلها وارفع الراس

الحال حال وزادت الطين بله
ثنتين توجع ضربتين على الراس

الحمدلله ونرتجي يوم ظله
يامرجع يوسف سليم بعد ياس

يارب تشفيني وكربي تحله
وتشفي جميع اللى شكا لك من الناس

أشوف نفسي فى حياتي ممله
بس الذكر طب العلالي مع الناس

يارب صبرني وهمي تشيله
واتزيل ماثقل على الراس هوجاس

يارب تفرجها وقيدي تحله
وتمشي أموري في مواكيب نوماس

ياالله طلبتك عالي في مظله
ترفع مقامي في الدرجات لي ساس

أسالك ياالله والحيله أمقله
تفزع لعبد له الشرع مدراس

ادمجه ربي ولا غيره يفله
ربي المعبود ميزانه قياس

الشاعر: سعود بن احمد العواد

حياة الروح معجب بهذا