[سعود العواد]

ماهقيت

ماهقيت أنك تغير يافلاني
مايصدق عاقل أنك تعاديني

الله اكبر أعلنت هجراني
والسبب ماكو سبب بينك وبيني

بس أخذها مالنا فيك وانساني
مانبي خاين نكر عشرة أسنيني

أدري أنك في نقع حبك الثاني
والتهاني قلتها بين قوسيني

أحسب ان عندك وفا وأنت خواني
مادريت أنك زعيم العدويني

ما أظن يفلح منهو تحداني
وأنت تدريبي وتفهم مضاميني

خل من غرك يركبك نيساني
من عقب فخرات صرتي مع الصيني

الجزاء للي على نفسه الجاني
يفتكر انه وحيد المزاييني

الشاعر/سعود بن احمد العواد