[سعود العواد]

بلعت المر

بلعت المر من أغلى الحبايب
وصارعت الوجع ماكن صوابي

عليل القلب والدمعه سكايب
سهير العين من هايل عذابي

يلموني كثير حتى القرايب
بلاهم مادروا باللي جرابي

أكفكف دمعتي وأمراض شايب
وصنع ضحكتي محد درابي

أنا لو علتي غض الترايب
سلكت الصعب لو يكثر عتابي

أظن أني تعديت النوايب
وردت الماء وخليت السرابي

سريت الليل والظلماء ركايب
وفجيت الوعر من كل بابي

بنيت المجد وأكنوز الكسايب
أدب وأخلاق والطاعه ثوابي

أبيع اللي يبيع شيب الذوايب
وأبيع اللي نكر حضرة جنابي

أحساب الله على راعي السبايب
ردي الذات عله لذهابي

أختم القاف والدنيا عجايب
غريب الحر يتحول أغرابي

صلاة ربي عدد مزن السحايب
على سيد البشر اختم جوابي

الشاعر: سعود بن احمد العواد