[سعود العواد]

ماهمني

ماهمني والله قولة يقولون ** بعير يرعى والردي كلب نباح

لاصرت واثق تذبح الضد بالهون ** واللاش مايدري ولاهوب مرتاح

يموت بالحسره على قلب مطعون ** غرقان في بحر الهواجيس سباح

وان جاك مبغض لك ترويه ليمون ** ويحس ابسم الثعابين لاراح

ترى التبسم للعدو يرث اجنون ** اذا خصيمك يفهم ارماح مزاح

لاتفلت احبال بها كل مضمون ** تقضي الليالي بالسعاده والافراح

حذراك من اهل الريا لو يعذلون ** الموت كل الموت لاصاح صياح

الشاعر/سعود بن احمد العواد