[المحــــــروم]

السلام عليكم ورحمة الله وبركاته

انا أسف على التأخير يالغالين لكن عذري معي اخواني اتمنى انكم تعذروني !!!

[line]

اخوي سطل

الله يعطيك الف مليون عافيه على هذا الجهد الذي يدل على ابداع الفكر وبالأصح الصدق في كيانك والشجاعه التي تملكها والقليل منا يمكلك هذه الصفه ...

انت اختصرت علينا الكثير من الجهد في أسلوبك الصادق وبنفس الوقت الذي يدل على صدق كاتبه ...
انت رسمت لنا لوحة رسام الذي عجز عنه الرسام رسمها ...
انت اهديتنا عبارات عجز عنه الشاعر في الوصف ..
انت ابدعت في العبارات ولذي عجز عنه الصحفي في كتابتها

** لالا تقول لي اني انا ابالغ لا وربي يالغالي ..
اكثر الأعضاء والمشرفين يقفون خلف الجدار والقليل الذي يواجه المشكله في موقف صادق والنيه الصافيه التي تدل على شخصية الكاتب يالغالي

سطل ...
انت شخص مرح و عندك علم مما يكفي ان ترد على ضعاف النفوس الذين يتصيدون على اقل حرف ويحاسبونك على اقل جهد منا ..

اسمح لي ان اقدم لك الشكر من اعماق قلبي يالغالي ....
لانك شخص اجتماعي و ذو شخصية متزنه واسلوب الفكري واضح وانت بعيد من كل المسافات عن التناقض و غيرها .. يالغالي سطل اتمنى لك التوفيق في حياتك اخوي وانا متاكد انك صاحب فكر وابداع وهذهـ الصفه لا تجتمع في شخص واحد عبثا ً لا يالغالي انت جمعتها في شخصيتك لانك صاحب تجارب وخبرات كثيرهـ

من حقي ان اعبر عن نفسي اخوي (( سطل ))
لا تحاسبني في هذا لان هذا الشي ليس بستطاعتي كتمانه اخوي ..

اتمنى ان اضيف على كلامك اخوي واتمنى جميع الاعضاء التفاعل ... لان هذا الشي راح يأتي بعده نتائج طيبه ومرضيه على ابناء العيون العيون اللي تربينا فيها العيون اللي عشنا فيها العيون اللي تكون لنا فخر وعزهـ

العيون هي الأم التي تحضن ابنائها العيون اللي نعيش من خيرهاااا ........

مهما اكتب في سطور ملتقى العيون ماراح اعطيها جزء من حقها ....

[line]

انا بكتب اللي في قلبي مثل قبل واكثر و هالمره راح اضيف بعض العتب على بعض اخواني واتمنى انكم محد ٍ ياخذ في خاطرهـ علي واذا تعديت حدودي ارجوكم نبهوني وانا مستعد اجيه الى مكانه واتأسف منه ....


العيون مدير الموقع
بعد السلام والتحيه الى صاحب العيون ...

كذا مرهـ أسألك كذا سؤال ولكن لا ارى الأجابه .. مدري هل هذا السؤال ليس في مكانه او الرد عليه مستحيل مثل اللي يقلون ( اذا حجة البقره على قرونها ) لان مستحيل تحج البقره على قرونها ..

اخويالعيون هذا الموقع صحيح انت اللي أسسته من جهدك وتعبك يالغالي لكن هذا لا يعني ان هذا الموقع صاحب لأحد لا وربي هذا الموقع صاحبه كل عيوني له غيره لبلدهـ ولدينه اللي تنور طريقه برضى الرحمن ومن ثم الوالدين
اخوي العيون انا لا اجد لك نشاط في هذا الملتقى يالغالي ولا اجد لك مشاركات تدل انك مدير هذا الموقع اخوي لمااااااااااااااااااااااااااااذا ؟

لا تقول لي مشغول او هدفك انك تأسس وخلاص انتهى مشواري لا حبيبي الله يرحم ولديك ويخليك لجدك وجدتك وعمك وعمتك وخالك وخالتك لا تكرر علينا اسطوانة الأجابه ..

ابي تواجه السؤال بكل شجاعه وتجاوبني بصدق وعلشان نطور الملتقى لازم اول شي نطور فيما انفسنا ومن ثم نطور الادارهـ ومن ثم المشرفين ومن ثم الأعضاء ..

ياخي تعال معي خلينا نبحث بصدق عن خلل فيما يختص انفسنا تعال وافتح معي صفحه جديده كلها اماني واهداف وانا وانت وهو وهي وهم ونحن نسعى في تحقيق هذهـ الأهداف ولو بشكل مرضي للجميع ..

انا لا اطلب منك اكثر من طاقتك لا وربي انا اطلب منك قد طاقتك لا اريد اكثر اخوي الغالي ...
وهديتك لنا هي انك تتواجد معنا وتبحث الحلول معنا في كل ما يتعلق في الملتقى من الاداره والمشرفين والأعضاء ..

يمكن اكون قسيت معك في العتاب لكن لابد ان نواجه المشكله بيد واحده وفي قلب واحد و تذكر اخوي الغزيز انك القدوه في هالملتقى ولكي نحقق اهداف الملتقى لابد ان تسعى معنا في تحقيقها ....

[line]

ابو طلال : المشرف العام للملتقى

بعد التحيه والتقدير اخوي ابو طلال ...

انا أمون عليك عزيزي ابو طلال وتذكر انك غالي على قلبي وربي يشهد علي وانا لا الومك لكن اعاتب فيما نفسي اسمح لي اعبر عنها ولو بحرفين يالغالي .... اتمنى انك تتحملني مثل ما تحملتني سابقا ً ..

قد فتحت مع الأعضاء نقاش بخصوص تطور الملتقى بدون اعتمادنا على الأدارهـ واعتقد اني ما اخطيت يوم جعلت الاداره خارج التنفيذ لان هذا الشي توقعته ان الاداره في وادي واهداف الملتقى في وادي .... لكن بعد النقاش الذي تم معك تغيرت نظرتي للادارهـ ولكن بعد فترهـ من النقاش لا ارى اي تغير سوى كذا عضو رجع للملتقى .. لكن هذا الشي لا يعني ان الادارهـ له مخطوطات مسبقه او تنظيم بشكل احترافي في تحقيق اهدافها ...
لكن انا أسأل نفسي كيف نسيت النشاط الذي تريده والادارهـ ليس لها نشاط .. ...
يمكن لازم اذكرك يومياً لكي تحقق المطلوب لكن ارجع واقول لك تذكر هذا الموضوع يمكن تذكرت فيما اقصد

اجتماع لجميع الأعضاء بسرعه تعالوا !!! ( ارعص على الموضوع )

سؤاللي لك يابو طلال ..

س / ماذا فعلت بعد هذا النقاش الطويل ؟؟؟

[line]

اسمح لي اخوي مدير الملتقى واسمح لي اخوي ابو طلال ...

علينا ان نذكر اهداف الملتقى من جديد ولكي تكون واضحه لدى الجميع ونسعى في تحقيها ...
وانا اطلب من اخواني الأعضاء جميعهم ان يذكروا لنا اهداف الملتقى (( يعني اي شي يتعلق في شؤون العيون )) نصيغها بصياغة الاهداف ونسعى في حقيقها ... علما ً ان كل سنة تتجدد الأهداف مع تطور مدينتنا الغاليه العيون
وانا ابدأ في وضع الأهداف اللي في راسي ( قبل ما تنقطع علي حبل افكاري )

1- عن مستشفيات العيون لابد ان نضع ذات صله بين المرضى والملتقى و المستشفى ومطالبة كل ما ينقص من كوادر اللازمه لعلاج المرضى ( اشياء كثيره ومع البحث المستمر نحصل على اشياء لم تكون في الحسبان )

2- بلدية العيون كذلك لازم نضع صلة بينا الادارة البلدية العيون والملتقى ( مع البحث المستمر نستطيع في تنفيذ مشاريع للعيون والتي نستطيع بعد مطالبة الدوائر الحكوميه والمراجعه جميع الدوائر في تنفيذ مطالبنا ولو ان جبرنا ان نضع شخص يهتم لهذه القضايا ولو كانت بالماده ( الأجره ) المهم ان ننفذ مخطوطات المسبقه للاداره )

3- كل ما يختص بالرياضة العيونيه اي نضع ( كذا عضو يجلب لنا الاخبار بالصوت والصورة والتقارير )

4- كل ما يتعلق بتراث العيون ( وهي مقابله للشيبانا ان يرون لنا الماضي بالصوت والصوره )

5- مقابلة مع المبدعين من الخطاطين و الرسامين والشعراء والمشايخه وكل شي يبرز ابداعه بالصوت والصوره ..

6- اقامة مسابقات في الملتقى بشكل شهري في كل شهر في قسم مسابقه .. وهذا الشي يتوقف على ميزانية الملتقى وانا مدري اذا كان هناك ميزانية للملتقى او لا .. اذا لا توجد ميزانية للملتقى علينا ان نبحث على طريقة في تأسيس هذه الميزانيه ... ( والطرق كثيره ومنها اقامة دورات نتشيطيه في الرياضه وذلك بدفع الرسوم اشتراكي وهذهـ الرسوم تكون من تبع ميزانية الملتقى للمسابقات وغيرها في تطوير الملتقى بتطور التقنيات الحديثه .. وفيه كذلك طريقة اخرى ان يكون هناك محل تجاري والأرباح تكون من نصيب ميزانية الملتقى .. والله في طعش طريقة بس نبي العزيمه )

والباقي اتركها للاعضاء والمشرفين والاداره

ملاحظه ........

نحصل على الحلول بعد النقاش ولكن في وقت التنفيذ ننسى الحلول ..
هذا الشي يذكرني بقول اليهودي عن العرب ( لعنة الله عليه ) عندما احد الصحافه تسأله وكان السؤال انت تتفق مع العرب في الصلح ثم ترجع وتنقض الصلح ووجب عليك العقوبه لكن نرى عكس ذلك لماذا .. قال هذا العرب كثير التفكير والكلام لكن كثير النسيان ... ( في بعض النص حجبة لانه يصعب علي كتابته لاني عربي من جد واب )

واسف للجميع على الاطاله

[line]

ابو طلال الله يسلمك يالغالي وربي انك عزيز وغالي اخوي ونقاش في القضيه لا تفسد الود ...
ولك مني اجمل الأمنيات اخوي الغالي

ثبرالطرقىالوجاج .. وربي اكن لك الاحترام والتقدير يالغالي واتمنى لك التوفيق والسداد يالغالي

سطل .. تشرفت بك اخوي ولي الفخر يالغالي وانت صاحب الأوله ..

مع تحياتي واشواقي
المحروم