هلا اخوي بو طلال لا والله لاصار تجمع ولاشي بس انتشرت في الواتس مطالبات بالتجمع امام البلدية والمحكمة للمطالبة بتسوية طريق العقير
اللي صار ياخوي ان حنا فوجئنا يوم الاحد عند الذهاب لاعمالنا برجال الامن من ضباط وافراد وعددهم كبير ودوريات امن من المهمات والواجبات
طبعا وجوهم طبيعي ونحن معاهم مع العلم اننا نعلم انه مستحيل يصير تجمعات حتى اني سألت احد العسكر وانا والله لاعرفه وكان ذلك الساعة العاشرة عن سبب وجودهم وقالي عندهم خبر ان بتصير مظاهرات وتجمعات للاحتجاج علشان طريق العقير قلت له ياكبرها من قال و تبي نصيحتي حركوا ابرك لكم صدقني احنا في العيون مانسويها ونعرف ان في طرق رسمية واللي صار في الواتس مطالبة ولاراح يصير شي
وبعدين قبل الظهر حركوا بعد ماعرفوا ان ماراح يصير شي الغريب في الرسائل اللي في الواتس يطالبون ان نسوي مثل القطيف هذا من احد الرسائل اللي وصلتني حتى ان حنا في العمل استغربنا لان بلدنا الحمدالله حنا مع ولاة امورنا قلبا وغالبا
بس انا بقول شي اللي ضايقني بعض من اهل البلد بدل ان ينفي هذه الامور وان ماراح يصير شي طلعوا لنا في الواتس ويكتبون كلام يعملون انهم يهدون الوضع يعني شوفوني يامسئولين انا هديت الوضع مع العلم انهم يعرفون يستحيل هذا الشي بس تعرف لواقة