[سعود العواد]

لايمي

لايمي لا اتلوم لامني بكيت
لو رفعت الصوت والحاره رقود

يبكي المعلول والونه نهيت
بين ضلعين الصدر مثل الوقود

لايمي أدري لو انك دريت
عفت من دنياك ولا كان الوجود

آه واعزاه مع النجمه سريت
في بحور الهم بيحت السدود

أرتجي ممدوح واخوانه رجيت
خلكم جمعه على ساس وعمود

واعتدل يابوك لامنك وليت
استعيذ بالله من عين الحسود

والخطر فاللي يمك يستميت
لو وعد يخلف ويخون العهود

والقريب ثعبان لدغاته تميت
أسأل امجرب ولا دكتور عود

ذي وصيه ياعيالي لو خطيت
صوغه الولدين واحفاد الجدود

عاشر بالمعروف في فكري رايت
او لاتمد اليد على ناكر جحود

شفت ابعينك ولاظنك نسيت
في مشاويري اخوان أمك عضود

كم زهمت اعضود واحوالي شكيت
جابوا الاعذار والكذبه وعود

الشاعر: سعود بن احمد العواد