[سعود العواد]

ضحاكة السن

البلا ضحاكة السن في وجهك **** وفي القفى سكين جزار مسنونه

مثل ثعبان التبن لا زبن حضنك **** لا تهاون به ترى السم في أسنونه

العمي لا أدله الدرب يلعبك **** والنذل أعمه لا أتفتح أعيونه

والردي لو تكرمه ينكر أعلومك **** همشك مالك محل مات مكنونه

كثرهم في وقتنا اليوم من حولك **** كل أفعالك في الرديين مدفونه

لو عيونك سقتها قصروا دونك **** يجحدون المد لو الذهب لونه

أزرع في اللي لا تبطاك يعنا لك **** لو خطر ياتيك والروح مرهونه

رابع الطيب وفي الطيب تلقالك **** من يشيلك فوق زمك على امتونه

في الشدايد في الثلاثيين يصفالك **** واحد منهم ولا دار مسكونه

لعنبو من ينكر أسمك ومنزالك **** ذا ردي الذات رمه يقولونه

الشاعر/سعود بن احمد العواد