[سعود العواد]

دلايل شقاها

تذهب هموم وتاتي اهموم واهموم & حتى الحشا من ثقلها ماقواها
أبكي زمان اول وأشكي من اليوم & وأشوف حالي غارق في بلاها
لامن طرى وقت مضى حزة النوم & فزيت من حينه أناظر فضاها
من حر مابي أنسف أللحاف وأقوم & من علة بالقلب روحي براها
أبكي في نفسي وأنثر الدمع بالكوم & والناس ماتدري سراير خفاها
أشكي بلاوي دنيتي والبلا قوم & جيوش بقعى من يقاوم لقاها
أرفع ايديني للولي دايم الدوم & يفرج لمن مثلي تعلقم حلاها
اضحك مع الخلان لاشك مهموم & ادري ويدري علتي من قراها
من شي في روحي أمعلق ومرسوم & مرسوم في حالي دلايل شقاها

الشاعر/سعود بن احمد العواد