[سعود العواد]

مافيه واحد عاش سالي ومرتاح
لو كان في روضة بها أنهار وأقصور

ياكود أنسان سلك درب الأرباح
دايم بذكر الله امريح ومسرور

ماهمته دنيا ولا ملك الاسياح
قلبه خشوع بطاعة الرب معمور

حلوه حياته ماتشكى ولا صاح
ولا شكى ضيم الدهر والسهل بور

ربحان من صلى الفجر بالفرح راح
يصبح نهاره شمس والليل له نور

من صار مع الله لاتوذا ولا ناح
ألا بحسن أعمال في عالي الدور

من يذكر الله يقضي الوقت مرتاح
يطيب باله مرتفع فوق منصور

ماخاب من يدعي ودعواه بألحاح
يخرج من الظلمات عبده الى النور

الله خلقنا وسلم العبد مفتاح
ترى الشهاده ارجح القول مذكور

ثم الصلاه بحاضر القلب ترتاح
تشيل هم القلب لو كان مكسور

الشاعر/سعود بن احمد العواد

المناير <3 ,حياة الروح معجبون بهذا