نــفسي عزيزه

[الخــــيالــــي]

نفسي عزيـزه ماترجيـت مخلـوق
وأموت مامديت كفـي علـى النـاس
وأبقى عزيز ورافع(ن)هامتـي فـوق
دنيا ممات العـز ولاعيشـة أدنـاس
سج القدم ساعي والإنسـان مـرزوق
بيدينـه الرحمـان الأرزاق مقيـاس
وأمشي وأنا صاحي ولانيب مطفـوق
وعيني تشوف اللي عليه القـدم داس
وأحفظ لساني وأهرج بلطف منطـوق
ولاأقطع كلام اللي يسولف بمجـلاس
وأشوم باليمنى عن السـرق والبـوق
وأعرض عن اللي ينقل الهرج بـلاس
أخاوي اللـي خوتـه عهـد ووثـوق
بالمرجله رجل(ن)مماشيـه نبـراس
سمح الجناب وطيب الحـال والـذوق
شديد في وقـت المعاسيـر حسـاس
يضيق ضيقي لاأصبح البال مخنـوق
ويضيق صدره لابدى بخاطري عماس
هذا الرفيق اللي على الطيب مرفـوق
ولاهي مرافق بس في وقت الأونـاس
ياصاحبي والنـاس طلابـة حقـوق
أحذر رفيق(ن)مايسرك مـع البـاس
دنيـا تجـاره وكـن الأوادم السـوق
منها تبيع وتشتـري النـاس بالنـاس



ارجو ان تنال اعجابكم


وياويلكم لو مارديتوا والله لذبحكم
ههههههههههههههههههههههههههههههههههههههههههه