- نتائجْ مُسابقة أَجمل تَصميم لإستايلْ مُلتقى العُيونْ ▪

[الهنوف]

السلام عليكم ورحمة الله وبركاته ادري اني تاخرت في اعلان النتايج وياليت تعذروني .. ومالي بالمقدمات / لكن كل اللي بقوله لكل مجتهد نصيب .. وكل المشتركات فازوا بالخبره وبالمنافسة الطيبة بين بعضهم وبالنسبة لي انا كلهم فازوا , وكلهم متوجين بالابداع .. عسى ربي يحفظهم انا للان منبهره من التصاميم اللي سووها كانوا بمستوى عالي ماتوقعته .. تفوقوا علي بكثيـــر .. ماشاء الله والكل يشهد لابداعهم .. | لكن / قبل لعلن عن النتايج ابي اتكلم عن كل ستايل مشترك .. مو تطيرون لاخر الصفحه عشان تشوفون النتايج أصبروا أقروا ثم طيروا تَباريحْ / آمممم / هذا ستايل عجبني فيه بساطته إلا إن العصفور هذا ما أدانية <-- وأنتي وش دخلك ألوانه حلوه وهادية يستاهل الفوز راعيتة كلها حس ومشاعر , الله لو بس تكتب فيني قصيد <-- بدت المصالح جِنانْ / آخخخ بس / هذا تصميم جميل وجداً وبالحيل و مرتن بالقوة <-- تخربطت أبتعب وانا اتكلم فيه , ألوانه فرايحية تفتح النفس أهم شي الوردي , ي لبى الوردي , ي عيني ي الوردي <-- مسكت خط ويستاهل الفوز برضوآ / جعل راعيتة للجنة شُوق / تصميم حلو , فكرته حلوه , تشكيلة الكلمة حلوه , السكرابز وموقعه حلو وتمام التمام .. بس ألوانه كآتمة ودي لو هو فاتح بس ي لبى راعيته / علني ما خلا .. نَبضْ الأملْ / هذا كفكره اشوفها نادره وكألوان حتى أنا ماطرت على بالي مجرم التصميم هذا .. حبيت المخطوطة اللي فيه / ماحبيت العصفور ولا الطيور يمكن لان لونهم شاذ , بس ماقلل من جمال التصميم بتاتاً البته راعيتة ام الفن والابتكارات , ربي حافظها وَلايفْ / أنا حبيت الاستايل هذا من معاليق قلبي , يمكن لان راعيته صممته بس , بس علشاني <-- تكفين بس برغم بساطته إلا انه حلو / واشوف انو في مجال تصمم اطلق منه لو ظلت تمخمخ عليه اكثر / بس لونة عجيب وراعيتة عجيبة قَالوا عَلامكْ / الصمت في حرم الجمال جمال من هنـآ لبيتكم / إذا سووآ زحمة رجعيهم جَمرةْ غَضىْ / هذا التصميم حسيت فيه , اني عايشة بوسط نخيل وعشب وكذا وحولنا موية الري الخضرا بطحالبها <-- لاعاد تعبرين جمييل بما تعني الكلمة إلا ان ودي أنتقده واقول انه شين ويبي له بالفوتر مثل اللي بالهيدر بس اخاف تجلدني صاحبته <-- يعني كني مانتقدت ويستاهل الفوز بجد .. أَسيرة الهَمْ / هذا التصميم أسرني / ي زين فكرته بس المخطوطه اعجبتني واعجبني التلاعب في حروفها اعجبني مكانها اعجبتني حركة الاستايل قدعة لكن فراغات التصميم كثيره بس ألوانه كشخه وراعيتة اكشخ .. عَآزفةَ / هذي اللي ماتوقعتها بيوم تشارك معنا تصميمها بطل بس ألوانه ماحبها , كلش ملش ورب الكعبه <-- إلا تحسون بمعاناتها بس كتصميم منبهره منه جداً إلا أن الفيونكة مدري وش تبي , ودي لو شلتها بس وربي ابداع / المخطوطه أليمه بس ألوانها وآآه ي ألوانها .. وَ بكذا ذكرنا كل المشتركات معنا وذكرنا تصاميمهم فَ حان وقت التتويج المركز الأول كان من نصيب الاستايل الترابي وصاحبته المبدعه : جمرة غضى وعلى ذلك يتم تركيب استايلها لمدة شهر ع الملتقى + تحصل على وسام الفائز الأول + 150 مشاركة اضافية + 15 تقييم + 150 ريال / المركز الثاني كان من نصيب الاستايل الأورنجي وصاحبته المبدعه : قالوا علامك وعلى ذلك يتم تركيب استايلها لمدة اسبوعين من بعد الشهر الاول للفائز الاول ع الملتقى + تحصل على وسام الفائز الثاني + 100 مشاركة اضافية + 10 تقييم + 100 ريال / المركز الثالث كان من نصيب الاستايل الأزرق وصاحبته المبدعه : عازفه وعلى ذلك يتم تركيب استايلها لمدة اسبوع من بعد الشهر الاول للفائز الاول وبعد الاسبوعين للفائز الثاني ع الملتقى + تحصل على وسام الفائز الثالث + 50 مشاركة اضافية + 5 تقييم + 50 ريال | ولا انسى اني اقولكم بيكون فيه زيادة للمشاركات والتقاييم : للمشتركات واستلام الجوائز بيكون من قبل الاداره .. بتراسلكم وتتفاهم معكم عن طريقة استلام جوائزكم وفي الاخير اعتذر عن اي قصور جآت مني .. موفقين