أذبح احساسه وقلبه واحفر لقلبي قبر

[عَذْبَھْہّ]

"انتهينا وكل منا صابته حالة جنون...
وانتهت كل المشاعر وقلبي امن بالقدر..

انتهينا وكل منا شايلن قلبه بهون..
شايله وده يداوي قلب جرحه الجمر..

انتهت لحظة وصاله وسالت دموع العيون..
وابتدت لحظة فراقه ومالنا غير الصبر..

اسمع صدى صوته حبيبي كل مامالت غصون..
وكل ماهب الهبوب ألمح طيوفه تمر....

انتهى صبح المحبه وابتدى ليل السكون..
وضاعت دروب القصيده في متاهات الحبر ..

قلت ابكتب كلمتين يمكن انهم يوصلون..
للحبيب اللي تركته واخترت لعيونه السهر..

ادري انه كان صادق وادري انه مايخون...
واذكر اني في غيابي يحسبلي اليوم بشهر...

وادري اني كنت غالي وكنت له قلبن حنون..
ولما اذكر طاري غيره كان يموت من القهر...

ويدري اني كنت احبه وكان لي كل الشجون..
كان لي قلبي وروحي كان هو حلم العمر..

وكنت اداري خاطره من بينهم لو يزعلون..
وكنت احبه غصب عنهم غصب عن كل البشر..

كان يزعلني كثير بس اقول انه يمون..
وكنت ارجع له واقول ياحبيبي اعتذر..

لاني بدونه حياتي مالها طعمن ولون..
كني الطفل اليتيم او سحابه بلا مطر..

لين جت لحظه عليه قام يعذبني بفنون..
ويتهمني بالخيانه واني اطعن فالظهر..

كان يجنني بقولة خيبتي يابنت الظنون..
وكان يتبعها بقولة خلي قلبك من صخر ..

بوقتها حسيت كنه يعترف انه يخون ..
..لين فعلا اعترف لي انه هو اللي غدر..

[motr]ولو يساويني بغيري لو تكون اللي تكون..
لاذبح احساسه وقلبه واحفر لقلبي قبر ..

لان"انا" لي عزتي وشموخ عالي مايهون..
وماامشي بدروب الظلام"لو اعيش بلا قمر"[/motr]