ارحمنا يامدرب تكفى ارحمنا ياخي ...لاعبين وانتهاء الصلاحيه

[الرياضي]

مالكم بالطويله يالربع ..

العلم ومافيه ان هذا المدرب رافع ضغطي من التمهيدي ... اول شي نتكلم عن التشكيله الحارس اوكيه افضل الموجودين هو مع الرغم انه تنقصه الخبره كثير وخصوصا بالعرضيات

نتأمل فيك خير يابطل .. قلب الدفاع فضل جيد ولكن عيبه ان تدخلاته مع المهاجمين سيئه ليست بقويه وهذا حمايه لنفسه اولا ان يتدخل مع المهاجمين باللعب الرجولي ونتأمل فيك خير

يابطل ...سعود الكليب ممتاز تدخلات رجوليه صلبه توقيت للكره ممتاز اغطيات بدون كره ممتازه جدا لكن عيبه يبطي الكره ونتأمل فيك خير يابطل ... الظهير عيد العيد وربي اني

اعزك حيل لكن مصلحة النادي فوووق كل شي وانا انتقدك انك انت الوحيد من اللاعبين لاتخطي وهاذي افكارك دايم والله ياعيد الاهداف اللي تلقت النادي من التمهيدي نصفها منك

وللاسف هاذي الحقيقه المره والهدف الثاني للنخيل منك ياعيد ويوم ناقشوك عصبت وتنرفزت مع الرغم ان الخطأ منك ميه بالميه (كيف ترفع ايدك تقول متسلل وتتركه وجاء علينا القول)

تكفى راجع نفسك .. وهذا مايقل من نجوميتك يابطل بحيث انك لاعب حماسي لا ابعد الحدود لكن عيبك التأخير بالكره عدم الثقه الكر ليست جمره واذا بتناول خويك وهو جنبك تعطيه اياه

بصدره وهذا خطئ لان نسبة استحواذ للاعب على الكره التي بالصدر ضئيله جدا ... راجع نفسك يابطل وانا واثق انك راح ترد علي بالملعب والله اكررها اني اعزك لكن العيون فووق

كل حاجه .. الظهير الايسر عبدالمجيد المحسن لاعب جوكر في اي مكان يأدي يعجبني كثير هذا اللاعب لكن عليك بعض الهفوات يابطل فالمباره الاخيره انت بعيد عن مستواك

ونتأمل فيك خير يابطل .. المحور محمد الحسين انت نجم قادم بقوه تملك موصفات المحور اللعب الرجولي التغطيه بدون كره الصلابه الاخطاء الاحترافيه التغطيه الهجوميه والدفاعيه

نتأمل فيك خير يابطل .. عبدالعزيز الناشي نجم بكل ماتعنيه الكلمه لكن هذا ليس لعبك فانت تملك اكثر من كذا.... مشاري الزيد وربي ويعلم الله اني اعزك واحترمك كثير لكن

اقول الحقيقه المره انك تعتزل الكره نهائيا لان زمانك انتهى اعذرني قسيت عليك لكن هاذي الحقيقه والمفروض عبدالرحمن الكليب مكانك.. سليما وربي انك نجم قادم بكل قوه لكن

المدرب اخطئ لانك بديل جاهز بكل قوه ومكانك شهاب الحصوص اساسي وانت بديلا له ونتأمل فيكم خير ياابطال ..حمد الهزاع انت تملك اكثر من كذا فهذا ليس بمستواك مره

وين راحت حماسيتك وين راحت روح الفريق التي تملكها ارجع فانت قائد ولاعب لايفرط فيه .. بسام الهلال ارجع النجمه طالبك وربي خالد العواد افضل منك بمراحل كثيره ...

المدرب تشكيله سيئه قراءتك للعب سيئه جدا اعذرني فانت ديكور ...

وفي الاخير اعذروني ان كان قسيت على احد وربي مااريد غير مصلحة النادي ليس الا .. واتمنى انكم تردون علي بالملعب ان ودي وربي ودي ...

[المنهالي]

خلاص لاتبكي جرحت مشاعري ياالرياضي
ان شاءالله يفرحونا المباراه الجايه وبسام الهلال ماقصر
لاعب بروح انا اللي اشوفه بسام وخالد العواد قدام
وحمدالهزاع ورا المهاجمين الاخطاء من عيد ومشاري
وسالم الكليب ان شاءالله يعفون عن سلمان بوزهيا

[فتى القطّار]

بحكم متابعتي لنادينا العزيز عبر ملتقانا الرائع والحقيقة ودي أحضر
لكن ظروفي لاتسمح في الوقت الراهن

ارى أن التشكيلة الأساسية التي أوصلت الفريق هذه المرحلة الهامة قد تغيرت بعض الشيء بدخول لاعبين غيرهم وهذه حقيقة مشكلتنا عدم الاستقرار الفني على تشكيلة معينة رغم جاهزيتهم .. قد يقول قائل أن هؤلاء اللاعبين الذين دخلوا كانوا أساسيين قبل المرحلة السابقة وغابوا لظروف إصابة أو غيرها لكن هذا لايمنع من الثبات على تشكيلة آخر أربع مباريات مادامهم جاهزين ووضع السابقين كأوراق رابحة .. أتمنى أن ينظر المعنيون لأرائنا كجمهور فنحن لم نطرحها إلا حباً لهذا الكيان ونرجو ترك المجاملات والمصالح الشخصية جانباً ..
وسترون النتيجة بإذن الله تعالى ....

[ساري المفعول]

نتأمل خير في نادينا

والله نتمنى انهم يقولون لنا انتو غلطانين بمستواهم في الملعب بصراحه تغير الفريق في هذي المباراه عن الفريق في المباريات الي في التصفيات الأوليه

ان شاء الله يفعلونها ابناء العيون ((العنابي)) ويجلبون لنا الفوزين في المباراتين الجايه

ان شاء الله راح نكون موجودين في الملعب والوفا طبع جمهور العنابي وراح نوقف معه حتى النهايه

مع الف سلام

[متابع للحواري]

ماذا عساك ان تريد للمدرب ان يفعلة ؟

هل تريد ان يعب بدل اللاعب عيد العيد اما تريد ان يدافع بدلا من عبدالمجيد ؟

اخي الغالي عندما تتحدث تحد بحديث يتقبلة العقل و المنطق فلا تجعل من مدرب الفريق كماشة لذلك الاداء السئ الذي خرج بةِ لا عبينا من امام

فريق النخيل فا الاسماء هي الاسماء و العناصر هي العناصر نفسها فلتفهم و لتعرف ان لاعبينك هم من خذلوك وليس المدرب .

اما عن فضل الفضل فهذا يحلو بة الحديث فلا تقترب منة ومن الواضح انك لا تعلم ولا تعرف في الكورة شئ عندما تتحدث عن هذا الشخص .