صينية رز بتونة

[@ سحابة غلا @]

السلام عليكم

هذا اول موضوع طبخ انزلة هنا

وان شاء الله يعجبكم لانه لذيذ

طبختي اليوم صينية رز بتونة

مقادير الرز :
4 كاس رز
9 كاسات موية
2 م ك ملح خشن بس مو مليانة
(اللي توهم يتعلمون الطبخ او يحتارون بقياس الموية القاعدة بالرز كل كاس رز يقابله 2 كاس موية وزيادة شوي وكل كاسين رز له م ك ملح )
مع ان لي فترة طويله اطبخ بسس للحين مستمرة على القياس

حبة ماجي
م ك زبدة او سمن حتى زيت عافية عادي مااحدد كمية للزيت احط بالنظر

مقادير كشنة التونة :
زيت
بصل / ثوم
فليفله
جزر
4 علب كبار تونة
بهارات / ملح
كزبرة / بقدونس

مقادير الصلصة :
علبتين قشطة
علبة جبن بوك او المراعي
بطاطس مقلي اعواد او مربعت انا استخدمت البطاطس الجاهز بس بالبطاطس العادي بيكون اطعم
وموزريلا (على حسب الرغبة )

الطريقة :
1- تركبين الموية وتحطين الزيت والماجي والملح واذا غلت الموية حطي الرز واذا قل الماي كثير وبدت الفقاقيع وطي عالنار الى اخر شي وتركيه 5 دقايق بعدين حركي الرز بشويش لان الزيت يتجمع بالوسط بعدها اتركيه 10 دقايق واطفيه

2- طبخ التونة مثل الكشنة العادية
زيت وبصل وثوم على النار لمن يتحمرون
بعدها طماط وفليفلة وبهارات وتونة تقريبا 4 علب كبار وملح وجزر مبشور
تتركينه يتسبك 10 ردقايق او ربع ساعة وقبل ماتطفين النار بدقيقتين تحطين عليه
بقدونس وكزبرة بس انا ماحطيت كزبرة وبقدونس اهلي يحبونة بدونهم





في صينية مستطبلة
تحطين طبقة رز
بعدها التونة
بعدها البطاطس




بعدها الباقي من الرز
وحرصي تكون طبقة الرز ضعيفة نوعا ما
بعدها الصلصة وفوقها جبن موزريلا





وداخل الفرن من تحت ربع ساعه اذا الرز بارد بس اذا حار شغلي الفرن من فوق بس

تحمير بسيط
انا مسويتها امس بزوارة اهلي ومع السوالف نسيت الفرن واحترقت شوي لمن فتحت الفرن وجهي كذا
انقهرت عليها لاني مصورتها لجل انزلها لكم بس لذيذة



طبعا التونة ممكن تستبدلينها باللحم او الدجاج بس انا من عرفتها وانا كله اسويها بالتونة تكون طِعمة

وبالعافيه عليكم

[@ سحابة غلا @]

يوووووووووه الصور كبيرة كيف اصغرها ؟

[عَذْبَھْہّ]

تم تصغير الصور يابعدي
ويـآهلا ويـآمرحبا بك يـآغلا
وان شـآء الله مو آخر موضوع تنزليه هوون
الأكله جدا جدا لذيذه ذقتها كم مره بس مو بالتونه بالدجاج وكانت طعمه يمممي
بس راح اجربها بالتونه بطريقتك
في انتظار أكلات شهيه منك
يسلم ربي ديــآتك وعوافي وصحه وهنا على قلبك وكل من أكلها معك

[متابع رياضي]

بالهنا والشفا ان شاء الله

في انتظار جديدك بحول الله

[@ سحابة غلا @]

عذبه - متابع رياضي
ربي يعافيكم

وان شاء الله مو اخر موضوع

عندي كذا طبخه بنزلهم ان شاء الله بس بدون صور للمراحل لاني مسويتهم من قبل
ماعندي الا الصورة الاخيرة
بس ان شاء الله الشرح للخطوات بيكون واضح

[عَذْبَھْہّ]

ويعـآفيك يـ هلا يـ غلا
بانتظارهم ,, وع القوه يارب

[عَبقْ]

*

يآعيني يآليلي إيه الحركتآت الحلوة دي
لذيذة من الصُور
تسلم يمينك يالغلآ وإن شاء الله مآتكون المشآركة الوحيدة لك بقسم مآلذ وطآب
في إنتظار جديدك ~

[أبو طلال]

ماشاء الله

تشهي بصراحة

[@ سحابة غلا @]

عطرتو الصفحه بمروركم

شبعوا من الصور

[معاذير]

جربتها بالدجاج
غريبه بالتونة
الله يعطيك العافية