يا غير مسجل تعال شوف محلات يديرها شباب العيون

[أبو طلال]

كثير جدا محلات يملكها شباب من العيون
ولكن قليل جدا اللي يديرها عيوني
الملتقى خذ له لفه على العيون ليحصر المحلات اللي يباشرها صاحبها من أول مايفتح المحل لين يسكر
يعني كل ماتدخل المحل تلقاه موجود

اللي نبغاه من أهلنا أهالي العيون
أنهم يمرون للمحلات هذه إذا يبغون يشترون
هم أولى من العمالة الوافدة اللي تعمل لحسابها
والكفيل له مدخول ( الفتات ) وهم لهم الغلة الكبيرة

تكفون ثم تكفون
عيالنا أولى
ترى والله ماعليهم قاصر من جد وإجتهاد
ولا عليهم قاصر من علم ومعرفة
ولا عليهم قاصر من الأمانة والتعامل الممتاز

لفتنا هذه ماشملت على كل المحلات
فياريت لو أحد فيكم يعرف محل ما ذكرناه يقول لنا وإحنا نروح له

نبدأ من بقالة إبن المقرب



هالبقالة هذه الكل يعرفها ويعرف من فيها
حسين بن علي الفزيع



البقالة تأسست عام 1417 هجرية ماشاء الله
أطلب ماتبي بتلاقي إلا الدخان طبعا
فيها شرايح سوا وموبايلي وزين
وفيها بعد شرايح بيانات لكل الشركات
وفيها بطاقات شحن وكذلك كويك نت





تبي شي روح لأبو علي

قالوا علآمك .. ! معجب بهذا

[أبو طلال]

المحل الثاني هو :

محل البركة لقطع السيارات



وهالمحل هذا تبع العم عيد صالح العيد
واللي يباشر فيه هو ولده محمد بن عيد




المحل فيه كلشي يتعلق بالسيارات خصوصا
ولأي شي فيه مكينة
قطع غيار للسيارات اليابانية والأمريكية ولوازم السيارات
له مايقارب 15 سنة ماشاء الله

تلاقونه
شرق مصلى العيد











قبل تروح للشارع الملكي
ياخي مر البركة الله يبارك فيك

[أبو طلال]

المحل الثالث :

ثري إس فور دي



لصاحبة سعود بن سعد الزيد


المحل متخصص في البرمجة
وكذلك في الملصقات اللي حسب الطلب
عندك جوال وإلا لوح إلكتروني وتبي تزينه بملصقات على كيفك
تعال عند سعود وهو بيضبطك
وفي المحل كل إكسسوارات الجوالات
وبعد عنده أجهزة جوالات حديثة وجديدة للبيع

تلاقونه
عند محل بيت الدونات
في شارع جامع عمر

[أبو طلال]

المحل الرابع هو :

حلي يومك


واللي يباشر فيه عبدالله بن سلمان الجمل ( مقرب )


في المحل كل مايخطر على بالك من حلا ومكسرات
كيك ، آيسكريم ( باسكن روبنز ) شوكولاتة أنوش الفرنسية
حلويات وشكولاتات ومشروبات غازية مستوردة
من فرنسا وألمانيا وأمريكا وحلويات عربية
بقلاوة وحلى قهوة
والمحل مستعد لأي طلب خاص من الكيك والحلى للمناسبات

تلاقونه
عند مطعم فتافيت الزاد

[أبو طلال]

المحل الخامس

خبير البرامج


المحل يديره أحمد بن حمد السبيعي


لأجهزة الإتصالات الحديثة والألواح الذكية
وخبير في البرمجة والصيانة
والمحل فيه إكسسوارات وقطع غيار
وفيه أجهزة الواي فاي وكل مايتعلق بها

بعد الدوار اللي عند مطعم الشباب
المحل على اليمين وأنت متجه لجامع الحصيمة

[أبو طلال]

أزياء 2000

لصاحبه
يوسف ثنيان العرادة
أزياء وإكسسوارات وعطور وكماليات وبخور وشنط وكل شي يتعلق بالجمال والأزياء

[أبو طلال]

محل بيبر كب ( كوب ورقي )

صاحبه عبداللطيف العمر السبيعي
محل متخصص بكل الأشياء المستهلكة البلاستكية والورقية
من صحون وملاعق وأكواب وبقية الأشياء
كل مواد التنظيف موجودة
جميع أنواع المناديل

وغير ذلك من لوازم البيت

[أبو طلال]

محل إشراق للعطور

وصاحبه هو العم عيسى سعد الحسين
المحل له تقريبا 30 سنة
عطورات كل الماركات متواجدة
الجديد والقديم موجود

تلاقون المحل قدام مكتب البريد

[عَبقْ]

*

مآشآء الله تَبآرَك الرّحمَن
الله يزِيدهم مِنْ فضله ويُبآرك فِيهُم ويبآرِك لَهُم
بالتَّأكِيْد نحنُ نفخَر ونَعتَزّ بِشَبآبنآ اللّي يُدِيرُون مَحَلاّت أو شَرِكآت
ونعم فِيهم وهُم عِمآدُ البَلَد وفيهم الخير والبَرَكَة
كُل مآيحتآجه الشَّآب هو انّ نعطِيه فُرصَة ونزرَع فيه الثِّقَة لأنّهُ قَدّ المَسئولِيَّة
هذا المَوضُوع بِمثآبَة تَشجِيْع ودَفعَة لِشبآبنآ لإمتِهآن الأعمآل البسِيطَة فَهِي نُقطَة البِدآيَة
الشّآب طآلمآ عندَه طمُوح ورُؤيَة للمُستَقبَل رآح يطَوّر نفسه ويُبدِع في مجآله وبالتَّآلي رآح ينفَع نفسَه ويخدم مُجتَمَعه
وأتمَنّى أن تَتَضآءَل بَل وتَتَلآشَى نَّظرَة الشَّبآب الدُونِيَّة لِبَعض الأعمآل
ويْن العيْب لمّآ تُدير وتُشرف بِنفسك على مَحَلّك أو بقآلتك ؟
العيْب لمّآ الشّآب يجلس بالبيْت حآله حال البنت وأمّه وأبوه يصرفون عليه
ولآتعجبه أيّ وظِيفَة , ولآيقبَل برآتَب 2000 ريآل, يبغَى يجلس فِي مَكتَب وهو مرتآح ورآتبه لآيقُل عَن 6000 ريآل
أتمَنّى لِشبآبنآ التّوفيق
أشُكر إدآرتنآ الفآضِلَة على هذه اللّفتَة الرّآئِعَة
جَعلها الله فِي موآزِيْن حسَنآتكم
ومِن تَقَدُّم لِتَقَدُّم يآمُلتَقَآنآ
[ ]

[عاشق المشي]

ماشاء الله تبارك الله عساهم على القوة يارب
جميل جدا لمن يكون الواحد يدير حلالة بيدة
ويكون تحت ناظرية وهذا الشي الذي ينقصنا
في مدينتنا الحبيبة الله يحفظهم ويرعاهم جميعا
باالنسبة لي أن أعرف محلات قليلة بس
ومن ضمنهم محل 2000للعطورات
وموقع هذا المحل في الصراة قدام بيت
بيت مبارك العيد الي جارة سعد الدولة
والي يشرف على المحل صاحبة يوسف الثنيان
وهذا المحل يبيع عطورات وهذة البضاعة
من دبي وهذي البضاعة تشمل جميع العطورات
وجميع المستلزمات من استشوارات وغيرها
وفي محل ثاني الي هو محل جوالات في الديرة
مكانة باالضبط عند محل العبايات الي في
بيت الغريب والباقي الي أعرفهم الي يبيعون
في الدوار بس هذا الي أعرفة واذا عرفت
أماكن ثانية نزلت أساميهم هنا
والسلام عليكم ورحمه الله وبركاته