دام القمر طالع

[عبدالرحمن الغريب]

مسا لله بالخـير وصبحكم

عاد ودي بشارك ذا المـرة بهـذه الأبيات كتبتها حـديثا ًعساها

تروق للذوق

تعـالي يا فرح قلبي

تعـالي يـا فـَـرَحْ قـلـبي تعـالي قـبــل فـجـــر النــاس=تعـالي نـســهر الـلـيــلـة ْ وعـنـّـا النـاس لاهـيـني
تضـيق النفس لـ غـبتي ويلا جـيتي تــزيـد اونــاس=تـعـالي وانـعــشـي نـفـسـي تـعـالي لا تخـلـّـيــني
أنا مـدري وش اللي جاب لي مـثــلـك مع الاغـلاس=أثـارك بـالـغـلـَـسْ يـومـــك تـناديـني أســـرتـني
أسـرني يالغــلا كـلـْمات لـك ما ســطـّـرتْ باطــراس=سرَتْ باحـشاي وانشتْ في ثنايا القلب قصريني
أنـا ما شــفـت زولـك عــاد لكـن شــافـه الاحـسـاس=ومهـما كان لـونــك يـا بَـعَــدْهـم كـلـهم زيــنـي
عـسى حـظ ٍ جـمعْــنـا كـل هــبـّــاتـهْ تـجـي نـسـنـاس=وْتـظـلـّـلـْـنا سـعـادتـنا على درب الـمـحــبـيـني

==

وســـــلامتكم

[سلمان]

ماشاء الله

هنا الاستاذ (عبدالرحمن الغريب ) بو اشرف

اول ماقريت معرفك ماصدقت ورحت سئلت الاهل بحكم انهم من زمان مشاركين في الملتقى واكدوا لي ودلوني على القسم

انا كل يوم اكتشف شي مميز جدا في هذا الملتقى الجميل الصراحة وش اوصف شعوري وش اقول فالصمت لغه عجيبه فقط اصمت عندما اقراء معرفك يابو اشرف واتعلم منك

نزلت أهلا و حللت سهلا نتمنى أن نستفيد منك و ان تتحفنا بأشعارك و ان نقرئ ملاحظاتك حول محاولتنا المتواضعة
أهلا و سهلا

[عبدالرحمن الغريب]

ســــــلـمـــان

اسفرت وانورت الصفحة بسـلمان

يا مرحـبتين اكبار //// باللي كتب أو زار

اشكرك على شعورك المؤدب وحضورك المشرف

لا هنت لا هنت

لك مني التقدير

=

[شَ ـآعُ ـٌر ٍ مُـً ِش‘ـًآعٌ َـْر ِ]

أنا ما شفت زولك عاد لكن شافـه الاحسـاس

ومهما كان لونـك يـا بَعَدْهـم كلهـم زينـي

البيت هذا فيه سر يابو اشرف :)

سلمت وصح لسانك

[سلمان]

الله يبارك فيك يا عم والنور منبعه انتم

[عبدالرحمن الغريب]

شـــاعر مشــــاعر

تسلم تسلم .وصح بدنك

مرحبا بك ألف .


( أنا ما شفت زولك عاد لكن شافـه الاحسـاس
....................ومهما كان لونـك يـا بَعَدْهـم كلهـم زينـي )
(( البيت هذا فيه سر يابو اشرف ))

أنت عندك احساس شعري ولقبك يدل عليك ، إذا تخـيلت شي فاعتبره صح .

اشكرك على المرور والتفاعل .

=

[عديل الروح]

مشاءالله

جميل مآخطهـ قلمك المميز دومآآ

صح لسآنك آستآذي ولآهآن قلمك

لآعدمنآآ قصيدك .. :)

دمت بخيرر

,,

[عبدالرحمن الغريب]

ســــلمان

ما عليك زود . . ويا هلا وسهلا .

=

[العقيد]

الله يحفظك يابو اشرف بحق انت مكسب

فلا تبخل علينا ولو كل يوم بكلمه

وصح السانك وعساك عالقوة

[عبدالرحمن الغريب]

العـقـــــــــــيد

لك شكري وتقديريي أولا ً .

وصح بدنك وعساك على القوة .

الصحيح ان كلنا مكسب لبعض وخاصة النافع لمجتمعه .

عليك ســـــــلامي .

=