|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
|
|
09-23-2005, 08:25 PM
|
#1 | ||||
|
الادانه
قف ياقلـم ماللحقيقـه صياغـات=وامسك طريقٍ اللي تعرف اتزانه لاصار عز النفس معروف بالشات=واشلون لعب الشات ثقل ورزانـه الجادل اللي عاش فيض الخيانات=مع كل خلـق الله عملهـا ميانـه من جاه ينعم الرحـب والتحيـات=وهذه واهو اللي ما يعرف الخيانه يسقي سقم ضميان كـل الملـذات=ويضمي حنان ويرتمي في حنانـه ياجعل كل اللي تربـع بالاهـات=يدور فيه الوقت ويلعـن زمانـه ابيه يعرف قيمتـه بيـن الافـات=انه مجرد موقـف وخـذ كيانـه وانه رجع لي بعد كل الاهانـات=مذلـول يتمنـى يلاقـي مكانـه وانه بعد ماعاش كـل السياسـات=سياستـي للسـر حفـظ وامانـه وابيه يعرف عرض كل المسافات=لاصارت اللعبـه مجـرد لعانـه اني كفو لعب العشق والخيـالات=وابستهين اليـا بغـى الاستهانـه مدام لي بالشعر ابايـات وابيـات=ابرفعه وارميه فـي كـل خانـه ويعرف بانه ينشـري بالريـلات=واني دفعت ريال ذيـك المهانـه وكاني تحريته مع ذيك الاوقـات=اليـوم بريالـي شريـت الادانـه |
||||
|
|
|
|
|
العرض المتطور