العيد اهني به

[سعودالدوله]

السلام عليكم ورحمة الله وبركاته

كل عااااااااااااام وانتم بخير

باسم الجميع واحساسهم

ِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِ ِِِِِِِِِِِِِِِِِِِِِِِِ

العيد هل وفرحته تشمل الناس=وكلٍ يدو له عزيز يهنية
دام المشاعر مالها اي مقياس=قلبي وسيع يا سعد من سكن فيه



ونا بخص اللي من الناس نبراس=امي وبوي وكل من لي احييه
العيد ما هو لبسة العقد والماس=العيد من قلبه صفا صوب اهاليه
العيد اهني به يتيمٍ على اساس=طفل فقد كف تمده وترعيه
العيد اهني به فقير ومحتاس=في ذمته طفل عجز ما يعشيه
العيد اهني به طريح ولا باس=اللي على نفسه دموعه تماشيه
العيد اهني به كسير للانفاس=لا ضاق صدره ما لقى من يواسيه
العيد اهني به عويق ولا قاس= ثوبٍ جديدٍ فوق متنه ومكسيه
العيد اهني به مثل عود حساس= لا من بغى عازه فقد من يوديه
العيد اهني به ضرير ولا عاس=اضحى نهاره مثل ليله مخاويه
العيد اهني به واهني من الراس=عبدالله اللي كلنا روح تفديه

ِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِ ِِِِِِِِِِِ

وسلامة روسكم