|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
03-27-2008, 10:21 PM
|
#63 |
|
|
هلا بموووت المشاعر ..
الحلقة الحادية عشر اتنى انكم تستمتعون بقراءتها .. ========================================== الحلقة الحادية عشر هلا ومرحبا بكم من جديد......وفي يوم جديد..... مشت الايام وانتهى الفصل الدراسي وبديت في التخصص اللي كان ممتع جدا وكنت فعلا ادرس وانا استمتع بالدراسه وها الشي ساعد كثير على اني احب التخصص اكثر وابدع فيه....طبعا انتوا عارفين عالم الكومبيوتر مليان بالتطورات والاكتشافات الجديده اللي ما راح اقول تتجدد كل سنه اوكل شهر بالعكس اتوقع كل يوم ويمكن كل ساعه....وها الشي طبعا يخلي المتخصص في ها المجال حاير بين سندان التخصص ومطرقة الاصدارات الجديده اللي تنزل للاسواق سواءا كانت (سوفتوير) او (هارد وير) ولعلمكم السرعه في نمو وتطور وانتاج الهاردوير اسرع بكثير من السوفتوير.....كنت حريص على مواكبة الجديد من ها الاصدارات وتعلم اكبر قدر ممكن من لغات البرمجه وانظمة التشغيل طبعا هذا كله في حدود امكانياتي ومعرفتي..... على مستوى العمل كانت الظروفه برضه ماهي بشينه وكان ذاك الرجال اللي وظفني يعبر عن اعجابه بي يوم بعد يوم خصوصا اني بعد ما صرت اتعمق في تخصصي واعرف اكثر عن الكومبيوتر صرت اتعبث في كومبيوترات الشركه واستعرض امكانياتي اذا خرب واحد منها او تعطل....في اكثر الاحيان تصيب واحيان تخيب (وطبعا اذا خابت العذر موجود وما عندك احد...!!!).... بعد نهاية بالضبط مفروض اني اكون مستحق لاجازه طبعا الجامعه اجازتتها بدت ومدتها حوالي شهر والشركه لو بغيت اجازه ماراح يقصرون لكن اذا تذكرت الوالده والوالد والاهل والتأثير النفسي اللي راح يعانون منه بعد ما اقضي معهم شهر وارجع ....اصرف نظر عن الاجازه وافضل اني اجلس في امريكا .... والله ما هو بزود حب في ذيك الديار لكن زود حب في ان مشاعر اهلي تكون مرتاحه. يوم قلت للشباب اللي معي عن القرار استغربوا وقاموا يشجعوني ويحاولون يغيرون قراري واللي استغرب اكثر وحاول يسفرني على حسابه هو صاحب الشركه اللي عطاني بدل الشهر شهرين ودفع لي راتبهم مقدم.....لكن رفضت وقررت اني في ها الاجازه اكتشف امريكا اكثر واسافر بر الى اكثر اماكن اقدر عليها واقارن طابع حياتهم ببعض واشوف وشلون كل فئه من مجتمعهم عايشين......تصدقون بدال ما يأثرون على الشباب في اني اروح للسعوديه اثرت على بعضهم وبدون اي تعب واعجبتهم الفكره وقالوا بنخاويك......جا معي جمال وهذا سعودي وعلى فكره ابوه مسميه على اسم (جمال عبد الناصر...!!!)....وجا معنا بعد (رداد)...ورداد بدوي شرواي من الكويت......وعلى ذكر الشباب تذكرون الرجال اللي جا معي من السعوديه وكان متفشل واجد من المشي مع محاكيكم ....الرجال عاندت معه الظروف وفصلته الشركه وراح يدرس على حساب ابوه في ولايه يقال لها (لويزيانا..!!!).....المهم بدت الاجازه وكان جمال معه سياره وشدينا عفشنا وبدينا الرحله......(لو الشباب ما جاو معي كنت استاجرت سياره ورحت لحالي ....وبعدين باركوا لي طلعت رخصه سواقه امريكيه.....الله ياهي سهله عندهم...!!!!)....بدت الرحله واتجهنا جنوب الى تكساس اللي زي ما انتوا عارفين مشهوره بالكاوبوي والبترول....بعد تكساس رجعنا غرب الى نيو مكسيكو وكانت ولايه حلوه وفيها شواطي اعجبتني.....بعدها اتجهنا الى اريزونا اللي كانت تشبه بلدنا كثير بجوها الحار وجبالها السمر وعلى فكره فيها طعوس ..!!! بعد اريزونا اتجهنا الى الشمال الى كولورادو اللي ما خشت مزاجي ابد.....بعدها اتجهنا شرق الى كنساس اللي بصراحه اكثر ما اعجبني فيها بساطة اهلها وطيبتهم والمزارع الشاسعه اللي عندهم بعد ها المحطه رجعنا جنوب الى اوكلاهوما مره ثانيه....وكنا خلصنا حوالي اثنين وعشرين يوم كانت من اجمل ايام العمر.....طبعا ما راح ادوش روسكم باستنتاجاتي عن مجتمع وسط وجنوب امريكا بس بشكل عام مافيه زي (العرب....!!!!!) واقولها بجد مافيه مثل العرب في اصالتهم وشهامتهم وفزعتهم وكرمهم....وان كان الغرب تفوقوا علينا في التكنولوجيا ما عمرهم ولا يحلمون يتفوقون علينا في اصالتنا وعاداتنا.....يمكن بعضكم يعارضني بس اللي يعارضني ينظر للموضوع بشكل عام جدا ويستثني الشواذ من تقييمه للموضوع.....(وانا ارحب باي فكره او وجهة نظر في ها الموضوع..) ========================================== انتهت الحلقة اليوم وش رايكم فيها ودمتم بود |
|
|
|
03-28-2008, 02:05 AM
|
#65 | ||||
  
|
حلوه
لكن الحلقه الي قبل تركت استفهامات كثيره ماجاوبتها الحلقه هذي يمكن الحلقات الجايه ترجع لها اخوي السكوت امتعتنا والله حسيت اني معهم في اخر شنطه واطالع الولايات والشواطي ههههههههههه تسلم يمينك وننتظر البقيه يالغالي وفديت قلبك انا |
||||
|
|
|
|
|
|
العرض العادي
