( الرقم موبايلي )؟؟

[مفلح بن وسمي]

مساكم الله بالخير هذه اخر قصيده لي بعنوان ( الرقم موبايلي ) .... ؟ ؟؟؟ .... واتمنى ان تنال اعجابكم .
.
.

.

وزعت رقمك داخل القلب توزيع =
=مبداه صفر ومنتهاه بثلاثه
تسعة ارقام ٍ عدها بالاصابيع =
=والرقم موبايلي عبث بي عباثه
متطبع بالصوت والحس تطبيع =
=انا اشهد انك بالمشاعر وراثه
من يوم ما اسمع حسك العذب اضيع =
=اموت واعرف مصدره وانبعاثه
يصفع صداك الراس بالهمس تصفيع =
=راس ٍ من التفكير خلد تراثه
اخذيه قلب ٍ جاك من دون تشريع =
=لامن سمع حسك تناثر اثاثه
حطي المشاعر بيننا ضرب تربيع =
=مدامني بالشعر جيتك حداثه
زرعت لك حب ٍ مع الشوق تطويع =
=واخذي ثمر قلبي بليا حراثه
واسقيه من عذب المطر والينابيع =
=خليه يتلاهث عليك بلهاثه
وانا تراني جيت لك بالمشاريع =
=اما تبين العشق والا الغثاثه
متبعثرٍ بالشوق محتاج تجميع =
=قلبي طفق واعلن لك الاستغاثه
غلطة رقم جابت عليك المواضيع =
=جابت زمان الطيش شايل رثاثه
اخطيت بالمعنى ليا قلت توزيع =
=وانا تراني ضد ذيك الخباثه

ــــــــــــــــــــــــــــــــــــــــــــــــــ ـــــــــــــــــــــــــــ
.

تحياتي
.

[!_ النازف _!]

هلا والله ومرحباااااااا اخوووووووي مفلح ..

قصديه حلوووووه لاكن احسك ما اجديت فيها ..


صح لسانك اخوي مفلح وان شاء الله الجاياااااات احلى ..

[شَ ـآعُ ـٌر ٍ مُـً ِش‘ـًآعٌ َـْر ِ]

غلطة رقم جابت عليك المواضيع
جابت زمان الطيش شايل رثاثه
اخطيت بالمعنى ليا قلت توزيع
وانا تراني ضد ذيك الخباثه

صح السسسانك اخوي مفلح

قصيده حلوووه


وان شاء الله نشوووووف الاحلىى ..

[عامر]

صح السانك يابووسمي

[المحــــــروم]

غلطة رقم جابت عليك المواضيع
جابت زمان الطيش شايل رثاثه
اخطيت بالمعنى ليا قلت توزيع
وانا تراني ضد ذيك الخباثه


نتظر المزيد من الابداع يالغالي .

صح لسانك وسلمت يمناك ..

[الاميره]

صح لسانك





حلوه مره