تدري وش اللي يجرح القلب جرحين

[كلمة حق]

هذه القصيده أبكتني ...وهي عن اليتيم


ماااافي اصعب على قلبي من شوفة اليتيم.......

وأنا أمس كنت جالس مع احد اليتامه وكان يشكي لي همه .....

فحسيت ولله بضيقه في صدري وأنا اسمع كلام هذا الشخص ...

أبكاني ولله.....

فاحبيت أحط هذي القصيده هنا.....
وهيا للامانه منقوله......






تدري وش اللي يجرح القلب جرحين
ويمد حبـل الحـزن فيـك ويشـده


انك تناظر طفل مـن غيـر ابويـن
يمشي ودمعـة سايـل فـوق خـده


منظر صعيب ويقسم القلـب قسميـن
لا قـام يمسـح دمعـة بكـف يـده


يمشي ولا يدري طريقة علـى ويـن
لين التعب من كثـر مـا تـاه هـده


اثقل حـروف يشيلهـا فيـة حرفيـن
لا أب يـدريـبـه ولا أم تـــرده


في خطوته رحلـة ودمعـة وسكيـن
وحـظ توسـد بالمراسـي مـخـده


جيت اسألـة بالله قللـي ولـد ميـن
وبغي يجاوب واختنـق صـوت رده


أنـا يتيـم ومـا لدربـي عنـاويـن
وجزر الحزن فينـي يسـاوي لمـده


وطعم الطفولة ما عرفته لهـا لحيـن
وثوب السعادة صـرت مانيـب قـده


ابكي إلى من شفت غيـري سعيديـن
ليـن البكـا فينـي يوصـل لحـده


واقفي ورحت امسح دموعي من العين
وعيني تناظـر دمعتـه فـوق خـده


وهذا اللي يجـرح القلـب جرحيـن
ويمد حبل الحـزن غصـب ويشـده




منقول........


الشعراء أقدر الناس على التوصيل فلهم خيال واسع ...
يرون من خلاله الأشياء بطريقة أخرى تجعلنا نعيد النظر فيها ..


رائعة ولله هذه الأبيات وهذه من رسائل الشعر وأبيات مؤثرة أبلغ من الكلام ..


أتمنا أن تعجبكم .....
دمتم بخير.....