قصه حب بمنتهى الروعه وطبعا قصه خياليه

[الخــــيالــــي]

خالد فتح عيونه والابتسامه بشفاته : حلفي والله
هند : شوي شوي على حلجك لا ينطر
خالد : اول مره اتيبين خبر حلو دومج بومه اخبارج شينه
هند : هذا يزايه الحينه .. وبعدين اكيد خبر حلو مثل ويهي
خال بابتسامه : لا الخبر احلى من ويهج بمليوووون مره
هند عصبت: والله اني غلطانه يايه ابشرك .. اطلع بكرامتي وايد احسن
خالد يضحك: يكون احسن..اقول هند
هند تشوفه من طرف عينها : نعم
خالد : ساره الحينه بخير
هند : هيه احسن شوي والدكتوره امرت بالراحه سمعت يعني لا تلعوزها
خالد: جلبي ويهج .. الحينه انا بلعوزها
هند : بعد اذا رحت عندها بيستوي الفلم الهندي بس ماعرف منو البطل انت ولا فهد
خالد يمسك المخده ويفر على ويها : انا البطل وتعرفين منو الحراميه انتي
هند وهي تمسك المخده : تخسي انا الحراميه انزين
خالد : خلاص اخت الحرامي
هند تضحك : هههههههههههههه يعني اختك انت ..لانك انت الحرامي
خالد : هندووووه
هند تضحك وتطلع من الغرفه ..
خالد وهو مبتسم : الله ساره بتنام بيتنا مثل ايام الطفوووله ..


ساره وهي متضايجه ..
ام ساره : يالله انا بطلع عشان ترتاحين ..
ساره بتعب : امايه زقري الله يخليج نوره اباها
ام ساره : من عيوني حبيبتي

نوره دخلت : هلا ساره \
ساره : تعالي نوره شوي ابي اقولج شي.
نوره يلست عند ساره : خير حبيبتي شو فيج ليش هالحزن
ساره وهي تصيح