|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
|
|
أدوات الموضوع | إبحث في الموضوع | انواع عرض الموضوع |
12-24-2007, 02:18 PM
|
#1 | ||||
|
ابسألك ؟؟؟
بسم الله الرحمن الرحيم
السلام عليكم ورحمة الله وبركاته كل عاااام وانتم بخير وعيد سعيد وعمر مديد انقطاع ليس بالبسيط والعود احمد ان شا الله خاطره شعر نثر سموها ما شئتم فهي منكم واليكم ابسألك 000؟ ابسألك.... وابسألك وابي جوابٍ مختصر ولا تكثري هرجك معي وتصير لي علة نحر ابسألك .... لية الطفل يبكي ليا منه حضر رغم انه في الدنيا جديد فاقد شعور... وفاقد العقل الرشيد وهو الوحيد اللي بكى وهو الوحيد اللي الدموع في وجنته مثل المطر اكيد اذكى مننا ...اكيد اشطر مننا لنه الوحيد اللي عرف دنياه هي دنيا القهر وابسألك ليه الصلابه في الحجر وليه العذر حظٍ عثر وابسألك ... ليه الورق كاسي الشجر وابسألك ليه أغلى وردٍ في الوجود وردٍ يجي لونه حمر وابسألك .... ليه العسل طعمه حلو رغم ان مشواره عسر وابسألك.... ليه البحر موسوم باطباع الغدر وهذا البحر وهو البحر يلعب به المد والجزر وابسألك ... ليه العيون ملك النظر ليه الحواجب تعتلي والرمش من دونه حدر وابسألك ... وابسألك ليه السما ارض القمر وليه العرب تشبه الزين بقمر وهذا القمر وهو القمر مظلم وطينه من حجر وابسألك ... وابسألك ليه الظما ... ونشكي الظما ونروي ظمانا بالهجر وابسألك..... وابسألك ليه السفينه مالها الا البحر ليه التراب عيت تجيه عيت مجاديف الشراع تعطف عليه وعشان نرضي ها لتراب جبنا الجمل هذا الجمل سفينة الصحرا حضر وابسألك وابسألك ليه التشاؤم في صفر وليه التشاؤم يا رقم (13) وابريل بالكذب اشتهر وابسألك..... وابسألك ليه الحروف .... تكتب على اول سطر وبعده سطر واذا بغينا فلسفه اكتب شطر واترك شطر وابسألك ... وابسألك من هو ترك فيني اثر شعرٍ كتبته ....... بسالك ولا نثر وابسألك...وابسألك وادري الصلاة... واجب وفرض وكثير منا ينتظر وقت الظهر.....وقت العصر وعقبه يجي المغرب وعقبه العشاء ابسألك ليه الحضور دايم قليل في فرض اسمه الفجر وابسألك....وابسألك وادري الصيام.... واجب وفرض وبه ليلةٍ... يا كبرها من ليلةٍ ليلة قدر فيها العظيم من الاجر ويمكن ضمان من الجمر أبسالك ... ليه الخلود ليه الكسل والناس ترجي رحمةٍ من رب أكرم من غفر ابسألك .... وابسألك ليه التباهي والفخر ابسألك وش تالي عيشة هالعمر غير المكان اللي يسمى القبر وابسألك .... وابسألك ليه الدموع ليه البكا ليه الكآبه والضجر واحلامنا فيها الحقيقية تحتظر وابسألك ليه الفقير دايم ضعيف ماله سند ولا له ظهر وابسألك ... وابسألك ليه الزوايا تنكسر ليه ألاماني تنتحر وابسألك .... وابسألك ليه الخطأ والطعن في أعراض البشر وحنا بشر من طين مخلوقة الجلود والوقت هو تسعة شهر ابسألك.... يا نفس وابسأل من حضر واللي قرا حرفي ومر كلامي هذا هو صحيح موجود في نصه عبر وتحذير من شي خطر ولا كلامٍ سمته بعض البشر الهرج زايد عندنا هذا هذر |
||||
|
|
|
|
العرض الشجري