::مدري وش صار فيني بس ماني بخير ::

[نانا]

ليت كل القلوب اللي
تحب بجنون
تعرف إن المحبه جنه في
هجير
كل دمعه عزيره لأجل
غالي تهون
لأجل شوف الحبايب كل
قاسي يسير
لي حبيب أحبه والمحبه
فنون
كل ما أذكر غرامه من غرامه أطير
ماعشقته رياح ولاعشقته
سكون
نسمه داعبتني تمتزج
مع عبير
فوحها من غرامه تحتويني بهون
كيف مايحتويني حب قلب
كبير
أن زعلت وتراخت هامتي
والمتون
مد كفه ..وطبطب..قال لي مايصير
إبتسامه محبه وارتعاشة
جفون
ترسم الكون فرحه من
هنا..للأخير
عن شتاتي بلاد ..وعن
همومي حصون
صرت فارس بلاده والامير الاسير
قلت له‎:-)‎ لاتغيب وقال
لي .كيف أكون؟
قلت عطني يدينك حس قلب كسير
خايف الحلم يفنى بين
هم وظنون
وخايف اليأس يحفر
قبر حلم صغير
وخايف الدمع يصحى
من مهاد العيون
وخايف اصحى وأشاهر
واقعي والمصير
ضمني حيل أنا محتاج
صدر حنون
مدري وش صار فيني
بس ماني بخير