بلوتوث

[المجروووووح]

جانـي وانـا جـالـس بقـسـم العـيـادات ... بلوتـوث مرسـل فـيـه رقــم التليـفـون

ومـع الرقـم مـرسـول عــدة بيـانـات .. اسـم '' مـره '' والعمـر سبـع وثـلاثـون

ولهـا ثـلاث اعـيـال واربــع بنـيـات .. والــزوج متـوفـي ومطلـوبـن اديــون

وتحـت الرقـم مكتـوب عــدة كلـمـات .. '' تكفون يااهـل الخيـر مـدوا يـد العـون''

جانـي وانـا فـي قسـم الاطفـال بالـذات ... بالـدور الارضــي انتظـرهـم يـنـادون

وقمـت اتلفـت بـيـن هــاك المـمـرات ... ناس(ن) تجـي فيهـا ونـاس(ن) يروحـون

اقـسـام مختلـفـه وطــرق ومـسـارات ... قلب .. وجراحه .. واذن .. وعظام .. وعيون

واحتـرت ويـن الـي يـدز الـرسـالات ؟ .. . وياهـل تـرى بالله مـن يمكـن يـكـون ؟

ولالـي وسيلـه غـيـر كـثـر التلـفـات ... ليـن ان بعـض النـاس قـامـوا يشـكـون

وقلـت اتصـل بـه واختصـر هالمسافـات ... لـكـن عسـاهـم باتصـالـي يـــردون

ودقيـت رقمـه خمـس او سـت مــرات ... ابطـت وقلـت ابنتـظـر لـيـن يحـكـون

وردت بصوت(ن) غير عن كـل الاصـوات ... صوت(ن) حزين وصاحب الصوت محـزون

وسألـت وش بــك بالعـيـاده سـلامـات ... قولـي عسـى ماشـر مـن ويـش تشكـون

قالـت ابـد امــور واشـيـاء خفيـفـات ... وعسـى الجمـيـع بـقـدرة الله يطيـبـون

قلـت ايـه هـذا حـكـم رب السـمـاوات ... الواحـد الــي بقـدرتـه سـيـر الـكـون

تبغـيـن شــي اسـاعـدك اي خـدمـات ... تحـت امركـم قولـي وش الـي تـريـدون

قالـت ابـد مشـكـور ياطـيـب الــذات ... وشكلـك مـن الــي بالـلـوازم يـسـدون

انـا غريبـه مــن اديــار(ن) بعـيـدات ... ومعـي دراهـم مـيـر عـيـوا يكـفـون

وانت تعـرف هالعصـر عصـر اتصـالات ... وابغـي بطاقـة شحـن تكـفـى ولاتـهـون

وعطنـي افلـوس انـا عـلـي التـزامـات ... مصـرف لـورعـان(ن) وراي ايتـحـرون

وسـدد حسابـي عـنـد كــل البـقـالات ... عطـهـم دراهمـهـم عسـاهـم يـولـون

قلـت ابشـري والطيـب موجـود مـامـات ... واهـل الـردى يـاالله عساهـم يـزولـون

لـكـن طـريـق مجمعـيـن الـريــالات ... الـي علـى الشحـذات دايــم يعيـشـون

الــي نواجهـهـم بـكــل الـمـحـلات ... بـالـسـوق ولا بـالاشــارات يـقـفـون

وعنـد المساجـد خـص وقـت الصـلـوات ... علـى المـداخـل والمـخـارج يكـونـون

يــذون خـلـق الله بكـثـر الطـلـبـات ... ويستضعفـون لكـل صـاحـي ومجـنـون

ماابـيـه لانــه درب غــش وحـيـالات ... واكـره جميـع الـي بهاالـدرب يمـشـون

يابـنـت ماتمـشـي عـلـي هالحـركـات ... ولانـي مـن الـي بالسهـولـه يطيـحـون

لكنـي ابنصـحـك وعـنـدي ارشــادات ... وانصـح جميـع الـي بدربـك يسـيـرون

تـرى التسـول يدخلـك فــي مـسـارات ... راحـوا بهـا نـاسـن وعـيـوا يـعـودون

ويدخلـك فـي عالـم غريـب ومتـاهـات ... سكـه وكـل الــي سلكـوهـا يضيـعـون

واخــر نتيجتـهـا نـدامـه وحـسـرات ... ونزع ابركـه والحـال مـن دون فـي دون

ويالـي تبـي درب الشـقـاء والاهـانـات ... اعلـم تـرى مايحـكـم الـنـاس قـانـون

بالنـاس نـاس(ن) تفعـل الخيـر بسـكـات ... ونـاس(ن) يمنـون العطـاء يـوم يعطـون

ولاينفـع الانسـان بـكـره الـيـا مــات ... لـو يجمـع المليـون مـن فـوق ملـيـون

يمـوت ويحاسـب عـلـى كــل مـافـات ... ولاينفعـه لــو قــال للـنـاس تكـفـون

يسـأل عـن الامــوال عــدة ســؤالات ... منيـن جبـت الـمـال هــذا ووشـلـون

ومهمـا بـذلـت الجـهـد والمستحـيـلات ... الــرزق عـنـد الله مـقـدر ومضـمـون

وتـرى القنـاعـه والصـبـر بالملـمـات ... ترفـع مـقـام الــي يـبـون ويـصـدون

وتـرى الطمـع سـر الامــور الـرديـات ... والله يـشـوف الــي لخلـقـه يغـشـون

ويامستحـق النـاس تـصـرف زكــاوات ... والمستحـق يعطـى مـن الــي يـزكـون

فـرض(ن) فرضـه الله ولابـه مــراوات ... لاهـل الزكـاه الــي فـقـط يستحـقـون

هـذي نصيـحـة كلـهـا عــدة ابـيـات ... لاهــل التـسـول علـهـم يستـفـيـدون

ويامسلمـه للـصـدق تطـلـع عـلامـات ... وللـكـذب مـدلـولات لـلـي يـعـرفـون

وتقبـلـي مـنـي ســـلام وتـحـيـات ... اجـمـل تحيـاتـي وشـاكـر ومـمـنـون

ومـن حينهـا قـررت قـطـع العـلاقـات ... ومـاارد لـو عشـريـن مــره يـدقـون




مـــــــــــــــ ــــــــــــــــــنــــــــــــــ ــــــــــــــــــــقــــــــــــ ــــــــــــو ل...