ياجماعه العماله الوافدة يغشون علينا بتغيير الزيت بفارق 55ريال لله درك يالسبيعي

[الرياضي]

السلام عليكم ورحمة الله وبركاته

يااخواني انا اكتب هذا الموضوع من القهر والغش الواضح اللي اشوفه من البنغاليه واليمنيه

بالامس كنت مغير زيت عند احد العماله الموجوده في المحطات ونوع الزيت اللي اغيره جتي اكس

المراد غيرت الزيت بستة ونص علبه قيمة العلبة الواحده بـ 8 1ريال تفاجأت بهذه القيمه قلت له الشهراللي طاف17 قال زاااد

قلت لاحول قلت له غيرسيفون قال لي 30ريال قلت هذا زاد بعد قال اي قلت غير لاحول ويش نسوي

وبعدها بيوم رحت عند مغسلة السبيعي اغسل السياره وأتفاجئ باللوحه الموضوعه على الجدار

وانفجعت عند مشاهدتي عند قيمة الزيت الجي تي اكس 12ريال وملاحظة انه راح ينزل

فركت عيوني قلت يمكن اني اتحلم طلع صدق قلت حسبي الله ونعم الوكيل

زهمت للعامل قلت له كم قيمة السيفون قال لي بـ15 ريال تخيلوا اخذ فايده 100%اليمني

قمت احسبها حيث ضربت الفائده في 7 لنفرض الفائده لعلبة الزيت الواحده 6ريال 6*7=42

والـ15ريال فائدة السيفون =42+15=57ريال تخيلوا فيالسياره الواحده 57ريال حسبي الله ونعم الوكيل عليهم

اقول لله درك يالسبيعي من اليوم وطالع مالنا الا السبيعي

ويالمينيه خلوها تصدي

بانتظار ارائكم